ഓടുന്ന വാഹനത്തിൽനിന്നും വെടിയുതിർത്ത് എട്ടു പേരെ കൊന്നു

ബെൽഗ്രേഡ്: സെർബിയയിൽ വെടിവെപ്പിൽ എട്ടു പേർ കൊല്ലപ്പെടുകയും 13 പേർക്ക് പരിക്കേൽക്കുകയും ചെയ്തു. തലസ്ഥാനമായ ബെൽഗ്രേഡിന് 60 കിലോമീറ്റർ തെക്ക് മ്ലാഡെനോവാക്കിന് സമീപമാണ് സംഭവം.

ഓടുന്ന വാഹനത്തിൽ നിന്ന് ഓട്ടോമാറ്റിക് തോക്ക് ഉപയോഗിച്ച് വെടിയുതിർക്കുകയായിരുന്നു അക്രമിയെന്ന് ആർ.ടി.എസ് ടെലിവിഷൻ റിപ്പോർട്ട് ചെയ്തു. അക്രമിക്കായി പൊലീസ് തിരച്ചിൽ നടത്തുകയാണ്.

കഴിഞ്ഞ ദിവസം ബെൽഗ്രേഡ് എലിമെന്ററി സ്കൂളിൽ 13 വയസ്സുള്ള വിദ്യാർത്ഥി തന്‍റെ സമപ്രായക്കാരായ എട്ടു പേരെയും ഒരു സുരക്ഷാ ഉദ്യോഗസ്ഥനെയും വെടിവച്ചു കൊന്നിരുന്നു.