ബാഗ്ദാദ്: പടിഞ്ഞാറൻ ബാഗ്ദാദിലുണ്ടായ ഐ.എസ്.ഐ.എസ് ആക്രമണത്തിൽ 11 പേർ മരിച്ചു. സ്റ്റേറ്റ് സ്പോൺസേർഡ് ട്രൈബൽ ഫോഴ്സിന് നേരെയായിരുന്നു ആക്രമണമെന്ന് സുരക്ഷസേന എ.എഫ്.പിയോട് പറഞ്ഞു.
ബാഗ്ദാദ് വിമാനത്താവളത്തിന് സമീപം അൽ റാദ്വാനിയയിൽ തമ്പടിച്ചിരുന്ന ട്രൈബൽ ഫോഴ്സിന് നേരെ അക്രമികൾ ഗ്രെനേഡുകൾ എറിയുകയും വെടിയുതിർക്കുകയുമായിരുന്നു.
ട്രൈബൽ ഫോഴ്സിൽ ഉൾപ്പെട്ട അഞ്ചുപേരും സുരക്ഷ സേനയെ സഹായിക്കാൻ എത്തിയ ആറു പ്രദേശവാസികളും കൊല്ലപ്പെട്ടവരിൽ ഉൾപ്പെടുന്നതായി സുരക്ഷ സേന പറഞ്ഞു.
മൃതദേഹങ്ങൾ ബാഗ്ദാദിലെ ആശുപത്രിയിലേക്ക് മാറ്റി. അതേസമയം ആക്രമണത്തിൽ ഐ.എസ്.ഐ.എസ് പ്രതികരിച്ചിട്ടില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.