ബർമിങ്ഹാം: കോമൺവെൽക്ക് ഗെയിംസിൽ മീരാഭായ് ചാനുവിന് സ്വർണം. ഭാരദ്വേഹനത്തിൽ 49 കിലോ ഗ്രാമിലാണ് ഇന്ത്യക്കായി ചാനുവിന്റെ സ്വർണനേട്ടം. രണ്ട് റൗണ്ടുകളിലായി 84 കിലോ ഗ്രാമും 88 കിലോ ഗ്രാമും ഉയർത്തിയാണ് ചാനുവിന്റെ നേട്ടം. ആകെ 201 കിലോ ഗ്രാം ഭാരം ഉയർത്തിയാണ് ചാനുവിന്റെ മെഡൽ നേട്ടം.
ഇതിന് മുമ്പ് 2014, 2018 വർഷങ്ങളിലെ കോമൺവെൽത്ത് ഗെയിംസിലും ചാനു മെഡൽ നേടിയിട്ടുണ്ട്. 2014 കോമൺവെൽത്ത് ഗെയിംസിൽ വെള്ളിയും 2018ൽ സ്വർണവും ചാനു സ്വന്തമാക്കിയിരുന്നു.2021ലെ ടോക്യോ ഒളിമ്പിക്സിൽ വെള്ളി മെഡലും ചാനു സ്വന്തമാക്കിയിരുന്നു.
ഇതോടെ ഈ വർഷത്തെ കോമൺവെൽത്ത് ഗെയിംസിലെ ഇന്ത്യയുടെ മെഡൽനേട്ടം മൂന്നായി. ഭാരദ്വേഹനത്തിൽ തന്നെ ഇന്ത്യയുടെ സങ്കത് സർക്കാർ വെള്ളിയും ഗുരുരാജ വെങ്കലവും നേടിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.