മഡ്രിഡ്: ഫ്രഞ്ച് സ്ട്രൈക്കർ കരീം ബെൻസേമ വീണ്ടും സ്കോറിങ്ങിലെത്തിയപ്പോൾ, ലാ ലിഗയിൽ ഡിപോർടിവോ അലാവസിനെതിരെ റയൽ മഡ്രിഡിന് 3-0ത്തിെൻറ ജയം. സീസൺ തുടക്കത്തിൽ ട്രാക്കുതെറ്റിയിരുന്ന റയൽ ഇതോടെ കിരീടപോരാട്ടത്തിലേക്ക് തിരിച്ചെത്തി. വലൻസിയക്കു മുന്നിൽ ബാഴ്സലോണ സമനിലയിലായതും റിയൽ ബെറ്റിസിനോട് രണ്ടാം സ്ഥാനക്കാരായ അത്ലറ്റികോ മഡ്രിഡ് തോൽക്കുകയും ചെയ്തതോടെ സ്പാനിഷ് ലീഗിൽ വീണ്ടും പോരാട്ടം കനക്കുകയാണ്.
അടുത്ത മത്സരം റയലിന് മഡ്രിഡ് ഡർബിയാണ്. അത്ലറ്റികോയെ (44 പോയൻറ്) ആ മത്സരത്തിൽ തോൽപിച്ചാൽ റയലിന് (42) രണ്ടാം സ്ഥാനത്തേക്ക് കയറാം. 30ാം മിനിറ്റിലാണ് ബെൻസേമ ഗോൾ നേടുന്നത്. അവസാന നാലു മത്സരത്തിൽ ബെൻസേമയുടെ ആറാം ഗോളാണിത്. നല്ല ഫോമിലുള്ള താരം ലാ ലിഗ സീസണിൽ ഇതോടെ 10 ഗോൾ തികച്ചു. ബെൻസേമക്കു പുറമെ വിനീഷ്യസ് ജൂനിയറും (80) മാരിയാനോ ഡിയസും (91) മറ്റു രണ്ടു ഗോളുകൾ നേടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.