മുംബൈ: ബോളിവുഡ് താരപ്പൊലിമയും ആഘോഷവുമില്ലാതെ ഇന്ത്യൻ സൂപ്പർലീഗ് അഞ്ചാം സീസണിന് കിക്കോഫ് കുറിക്കും. െഎ.എസ്.എൽ ഇന്ത്യയിലെ മുൻനിര ലീഗായി വളർന്നതോടെ ആരാധകരെ ആകർഷിക്കാനുള്ള ഉദ്ഘാടന ചടങ്ങ് ഒഴിവാക്കാൻ സംഘാടകർ തീരുമാനിച്ചു.
ലോകനിലവാരത്തിലെ ഫുട്ബാൾ ലീഗായി മാറുന്ന െഎ.എസ്.എല്ലിന് ആരാധകരെ സ്വന്തമാക്കാൻ ഇനി ബോളിവുഡ് താരപ്പടയും സംഗീത-നൃത്തപരിപാടികളും ആവശ്യമില്ലെന്നാണ് െഎ.എം.ജി-റിലയൻസ് നിലപാട്. കഴിഞ്ഞ നാലു സീസണിലും ഉദ്ഘാടന-സമാപന പരിപാടികൾക്കായി കോടികളാണ് പൊടിച്ചത്.
കഴിഞ്ഞ സീസണിൽ ഒാരോ വേദിയിലും ഉദ്ഘാടന പരിപാടി സംഘടിപ്പിച്ചിരുന്നു. അഞ്ചു മാസം നീളുന്ന ലീഗിന് സെപ്റ്റംബർ 29ന് കിക്കോഫ് കുറിക്കും. കൊൽക്കത്തയിൽ എ.ടി.കെയും കേരള ബ്ലാസ്റ്റേഴ്സും തമ്മിലാണ് ആദ്യ മത്സരം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.