മകാവു: ഏഷ്യ കപ്പ് യോഗ്യതയും കണ്ണുനട്ടിരിക്കുന്ന ഇന്ത്യ ചൊവ്വാഴ്ച മകാവുവിനെ നേരിടും. മകാവു ഒളിമ്പിക്സ് അന്താരാഷ്ട്ര സ്റ്റേഡിയത്തിൽ ഇന്ത്യൻ സമയം വൈകീട്ട് അഞ്ചിനാണ് മത്സരം. മൂന്നാം റൗണ്ട് യോഗ്യത മത്സരത്തിലെ ഗ്രൂപ് ‘എ’യിൽ ആറു പോയൻറുമായി ഒന്നാമതുള്ള ഇന്ത്യക്ക് എതിരാളികളുടെ തട്ടകത്തിൽ മത്സരം കടുപ്പമുള്ളതായിരിക്കും. കളിച്ച രണ്ടു മത്സരങ്ങളിലും തോറ്റ ആതിഥേയർക്ക് സ്വന്തം ആരാധകരുടെ മുന്നിലുള്ള ഇൗ മത്സരം നിർണായകമാണ്.
ത്രിരാഷ്ട്ര മത്സരത്തിൽ വിജയിച്ചതിെൻറ ആവേശത്തിലാണ് ഇന്ത്യ. മൊറീഷ്യസിനോട് ജയവും (2-1) സെൻറ് കിറ്റ്സിനോട് സമനിലയും (1-1) സ്വന്തമാക്കിയത് സീനിയർ താരങ്ങളില്ലാതെയായിരുന്നു. ആദ്യമായാണ് മകാവുവിനെ നേരിടുന്നത്. ഹോം ഗ്രൗണ്ടിെൻറ ആനുകൂല്യത്തിൽ ഇറങ്ങുന്ന എതിരാളികളെ പിടിച്ചുകെട്ടാൻ മലയാളി താരം അനസ് എടത്തൊടികയും സന്ദേശ് ജിങ്കാനും നയിക്കുന്ന പ്രതിരോധ നിരക്ക് നന്നായി വിയർപ്പൊഴുക്കേണ്ടിവരുമെന്ന് ഉറപ്പാണ്. സുനിൽ ഛേത്രി-ജെജെ സംഖ്യം തന്നെയായിരിക്കും ഇന്ത്യയുടെ മുന്നേറ്റ നിര ചലിപ്പിക്കുന്നത്.
എന്നാൽ, ഫിഫ റാങ്കിങ്ങിൽ എതിരാളികളെക്കാൾ 86 സ്ഥാനം മുന്നിലുള്ള ഇന്ത്യക്കു തന്നെയാണ് മുൻതൂക്കം. മകാവു 183ാം സ്ഥാനത്തിരിക്കുേമ്പാൾ, ഇന്ത്യ 97ാം സ്ഥാനത്താണ്. നേരത്തേ ഗ്രൂപ്പിലെ മ്യാന്മറിനെയും കിർഗിസ്താനെയും ഇന്ത്യ തോൽപിച്ചിരുന്നു. 2016 ജൂണിനുശേഷം തോൽവിയറിയാതെയാണ് ഇന്ത്യൻ സംഘത്തിെൻറ കുതിപ്പ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.