കോഴിക്കോട്: കളിയുടെ അവസാന മിനിറ്റില് നേടിയ ഗോളുമായി അണ്ടര്-16 ഐ ലീഗ് കേരള മേഖലാ മത്സരത്തില് പ്രൊഡിജി എഫ്.എക്ക് മൂന്നാം ജയം. ശനിയാഴ്ച കോര്പറേഷന് സ്റ്റേഡിയത്തില് നടന്ന മത്സരത്തില് ആതിഥേയരായ സെപ്റ്റിനെ ഏകപക്ഷീയമായ ഒരു ഗോളിനാണ് പ്രൊഡിജി ഫുട്ബാള് അക്കാദമി പരാജയപ്പെടുത്തിയത്. മുഴുവന് സമയവും ആധിപത്യം പുലര്ത്തിയ സെപ്റ്റിനെതിരെ അവസാന മിനിറ്റില് നേടിയ അവിശ്വസനീയമായ ഗോളിലൂടെയാണ് ബ്ളാസ്്റ്റേഴ്സിന്െറ ഗ്രാസ്്റൂട്ട് പാര്ട്ണറായ പ്രൊഡിജി ടീം വിജയം നേടിയത്.
സെപ്റ്റിന്െറ ഗോളിയുടെ പിഴവില്നിന്ന് വീണുകിട്ടിയ ബാള് പ്രൊഡിജിയുടെ മധ്യനിരതാരം സെബാസ്്റ്റ്യന് പോള് വലയിലാക്കിയതോടെയാണ് പ്രൊഡിജിയുടെ വിജയഗോള് പിറന്നത്. പി.പി. ജാവേദ്, മുഹമ്മദ് ഇനായത്ത് എന്നിവരുള്പ്പെടെയുള്ള താരങ്ങളുമായി ഇറങ്ങിയ സെപ്റ്റിന് നിരവധി അവസരങ്ങള് ലഭിച്ചിട്ടും ഗോളാക്കാനായില്ല. ഇതോടെ ലീഗില് സെപ്റ്റിന്െറ നിലനില്പ് തന്നെ ഭീഷണിയിലായി. നിലവില് മൂന്നു കളികളില്നിന്ന് ഒരു പോയന്റ് മാത്രമാണ് ടീമിനുള്ളത്. പ്രൊഡിജിയാകട്ടെ മൂന്നു കളികളില്നിന്ന് ഒമ്പത് പോയന്റുമായി ഗ്രൂപ്പില് ഒന്നാം സ്ഥാനത്താണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.