ന്യൂഡല്ഹി: അഖിലേന്ത്യാ ഫുട്ബാള് ഫെഡറേഷന് (എ.ഐ.എഫ്.എഫ്) എതിരെ അപകീര്ത്തികരമായ പരാമര്ശം നടത്തിയ മോഹന് ബഗാന് കോച്ച് സഞ്ജയ് സെന്നിന്െറ സസ്പെന്ഷനില് ഇളവ്. ഐ ലീഗിലെ എട്ടു മത്സരങ്ങളില് നിന്നുള്ള വിലക്ക് അഖിലേന്ത്യാ ഫുട്ബാള് ഫെഡറേഷന് (എ.ഐ.എഫ്.എഫ്) നാലായി കുറക്കുകയായിരുന്നു. സഞ്ജയ് സെന് നിരുപാധികം മാപ്പുപറഞ്ഞതോടെയാണ് എ.ഐ.എഫ്.എഫ് അയഞ്ഞത്. പത്ത് ലക്ഷം പിഴ അഞ്ച് ലക്ഷമായി കുറച്ചിട്ടുമുണ്ട്. എ.എഫ്.സി കപ്പിലെ തിരക്കുപിടിച്ച മത്സരക്രമത്തിനിടെ ഐ ലീഗ് മത്സരം മാറ്റണമെന്നാവശ്യപ്പെട്ടത് അംഗീകരിക്കാതിരുന്നതായിരുന്നു സഞ്ജയ് സെന്നിനെ പ്രകോപിപ്പിച്ചത്. അപ്പീല് കമ്മിറ്റിയാണ് ശിക്ഷ കുറച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.