ലണ്ടന്: ഇംഗ്ളീഷ് പ്രീമിയര് ലീഗില് രണ്ടു വിജയങ്ങളുമായി കുതിച്ച മാഞ്ചസ്റ്റര് യുനൈറ്റഡിന് സമനില. ഹോം ഗ്രൗണ്ടിലിറങ്ങിയ യുനൈറ്റഡിനെ ന്യൂകാസില് യുനൈറ്റഡാണ് ഗോള്രഹിത സമനിലയില് തളച്ചത്. കളിയുടെ ആദ്യ മിനിറ്റ് മുതല് കളം അടക്കിഭരിച്ചത് മാഞ്ചസ്റ്ററാണെങ്കിലും ഗോളടിക്കാന് മറന്നത് വിലപ്പെട്ട പോയന്റുകള് നിഷേധിച്ചു. പന്തടക്കം മുതല് കളിയിലുടനീളം വാന്ഗാലിന്െറ സംഘത്തിനായിരുന്നു മേധാവിത്വം. എന്നാല്, ന്യൂകാസില് ഗോളി ടിം ക്രൂളിന്െറ മികവ് യുനൈറ്റഡിന്െറ ഗോളവസരം തടഞ്ഞു.
ലീഗിലെ മറ്റു മത്സരങ്ങളില് ലിഷസ്റ്റര് സിറ്റിയെ 1^1ന് ടോട്ടന്ഹാം സമനില പിടിച്ചു. ക്രിസ്റ്റല് പാലസ് 2^1ന് ആസ്റ്റന് വില്ലയെ തോല്പിച്ചു. നോര്വിച് -സ്റ്റോക് സിറ്റി (1^1), സണ്ടര്ലന്ഡ്-സ്വാന്സീ സിറ്റി (1^1) എന്നിവരും സമനില വഴങ്ങി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.