ജ​യം തേ​ടി ദ​ക്ഷി​ണാ​ഫ്രി​ക്ക ഇന്ന്​ ബംഗ്ലാദേശിനെതിരെ

ല​ണ്ട​ൻ: കി​രീ​ട​പ്ര​തീ​ക്ഷ​യോ​ടെ ഇം​ഗ്ല​ണ്ടി​ലേ​ക്ക് വി​മാ​നം ക​യ​റി​യ പ്രോ​ട്ടീ​സു​കാ​ർ​ക്ക് ആ​തി​ഥേ​യ​രി​ൽ​നി​ന്ന് ആ​ദ്യ​പ്ര​ഹ​ര​മേ​റ്റ​തി​െൻറ ക്ഷീ​ണം മ​റ​ക്കാ​ൻ ഞാ​യ​റാ​ഴ്ച ബം​ഗ്ലാ​ദേ​ശി​നോ​ട് കൊ​മ്പു​കോ​ർ​ക്കും. ല​ണ്ട​നി​ലെ തോ​ൽ​വി​ക്ക് ല​ണ്ട​നി​ൽ​വെ​ച്ചു​ത​ന്നെ വി​ജ​യ​വ​ഴി​യി​ലേ​ക്ക് തി​രി​ച്ചെ​ത്താ​ൻ ഡു​പ്ലി​സി​സും കൂ​ട്ട​രും ശ്ര​മം തു​ട​ങ്ങി. 104 റ​ണ്ണി​െൻറ ക​ന​ത്ത തോ​ൽ​വി ഇം​ഗ്ല​ണ്ടി​നോ​ട് ഏ​റ്റു​വാ​ങ്ങി​യെ​ങ്കി​ലും ഈ ​തു​ട​ക്കം അ​ത്ര മോ​ശ​മ​ല്ലെ​ന്നു​ത​ന്നെ​യാ​ണ് ക്യാ​പ്റ്റ​ൻ ഡു​പ്ലി​സി​സി​െൻറ വാ​ദം.

ആ​ദ്യ​മ​ത്സ​ര​ത്തി​ൽ മൂ​ന്നു​വി​ക്ക​റ്റെ​ടു​ത്ത എ​ൻ​ഗി​ഡി​യും റ​ബാ​ദ​യും ഇ​മ്രാ​ൻ താ​ഹി​റും ഉ​ൾ​പ്പെ​ടു​ന്ന ദ​ക്ഷി​ണാ​ഫ്രി​ക്ക​ൻ ബൗ​ളി​ങ് നി​ര ശ​ക്ത​മാ​ണ്. ഡീ​ക്കോ​ക്കി​നൊ​പ്പം ആ​ദ്യ​മ​ത്സ​ര​ത്തി​ൽ പ​രി​ക്കേ​റ്റ ഹാ​ഷിം അം​ല​യും ഫോ​മി​ലേ​ക്കു​യ​ർ​ന്നാ​ൽ പ്രോ​ട്ടീ​സി​ന് ക​ളി​യി​ലേ​ക്ക് തി​രി​ച്ചു​വ​രാം. അ​തേ​സ​മ​യം, ലോ​ക​ക​പ്പി​ലെ ആ​ദ്യ​മ​ത്സ​രം അ​ട്ടി​മ​റി​യി​ലൂ​ടെ തു​ട​ങ്ങാ​നു​ള്ള ത​യാ​റെ​ടു​പ്പി​ലാ​ണ് ബം​ഗ്ലാ​ദേ​ശ്. സ​ന്നാ​ഹ മ​ത്സ​ര​ത്തി​ൽ ഇ​ന്ത്യ​യോ​ടേ​റ്റ ക​ന​ത്ത തോ​ൽ​വി ബം​ഗ്ലാ​ദേ​ശ് ടീ​മി​െൻറ ബൗ​ളി​ങ് ദൗ​ർ​ബ​ല്യം ചൂ​ണ്ടി​ക്കാ​ണി​ക്കു​ന്നു​വെ​ങ്കി​ലും ക്യാ​പ്റ്റ​ൻ മു​ഷ​റ​ഫെ മു​ർ​ത്ത​സ പ്ര​തീ​ക്ഷ കൈ​വി​ടു​ന്നി​ല്ല.