മുംബൈ: പുതിയ പരിശീലകൻ രവി ശാസ്ത്രിയുമായി മികച്ച മാനസിക െഎക്യമുണ്ടാക്കി മുന്നോട്ടുപോകാനാകുമെന്ന് ഇന്ത്യൻ നായകൻ വിരാട് കോഹ്ലി. ശ്രീലങ്കൻ പര്യടനത്തിനായി ലങ്കയിലേക്ക് തിരിക്കുന്നതിനുമുമ്പ് മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.
മൂന്നുവർഷമായി രവി ശാസ്ത്രിയോടൊത്ത് പ്രവർത്തിക്കുന്നുണ്ട്. അദ്ദേഹത്തെ മനസ്സിലാക്കാൻ കഴിഞ്ഞിട്ടുണ്ട്. എന്തൊക്കെയാണ് വേണ്ടതെന്ന് ഞങ്ങൾക്ക് രണ്ടുപേർക്കുമറിയാം. ശാസ്ത്രി പരിശീലകനായെത്തിയത് ഒരുവിധത്തിലുള്ള സമ്മർദവുമുണ്ടാക്കിയിട്ടില്ല ^കോഹ്ലി പറഞ്ഞു. മൂന്ന് ടെസ്റ്റും അഞ്ച് ഏകദിനവും ഒരു ട്വൻറി20യും അടങ്ങുന്ന പരമ്പരക്കായാണ് ഇന്ത്യൻ ടീം പുറപ്പെട്ടത്. ആദ്യ ടെസ്റ്റ് 26ന് തുടങ്ങും. ഇതിന് മുന്നോടിയായി വെള്ളിയാഴ്ച പരിശീലനമത്സരം കളിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.