ഒാസിൽ ഇന്ത്യയിലേക്ക്​; വരുന്നത്​ പ്രിയ സുഹൃത്തിനെ കാണാൻ

ആഴ്​സനലി​​​​െൻറ ഇതിഹാസ താരം മെസ്യൂത്​ ​ഒാസിൽ ഇന്ത്യയിലേക്ക്​ വരാനൊരുങ്ങുന്നു. സുഹൃത്തിനെ കാണാൻ ഇന്ത്യയിലേക്ക്​ വരുമെന്ന്​ ട്വിറ്ററിലൂടെയാണ്​ താരം അറിയിച്ചത്​. ‘‘ആസ്​ക്​ ഒാസിൽ’’ എന്ന ഹാഷ്​ടാഗിൽ ഒാസിലിനോട്​ ചോദ്യങ്ങൾ ​ചോദിക്കാനുള്ള അവസരം ഉപ​േയാഗപ്പെടുത്തി ഇന്ത്യക്കാരനായ അൻസാർ അഹമ്മദാണ്​​ ഇന്ത്യയിലേക്ക്​ വരുമോ? എന്ന്​ ചോദിച്ചത്​.

‘‘ഇന്ത്യയിലേക്ക്​ വരാൻ ഇഷ്​ടമാണ്​. അടുത്ത്​ തന്നെ അതുണ്ടാകണമെന്നാണ്​ ആഗ്രഹം. സുഹൃത്തും ബോളിവുഡ്​ താരവുമായ​ രൺവീർ സിങ്ങിനെ കാണാനാണ്​ വരുന്നതെന്നും’’​ താരം ട്വിറ്ററിൽ കുറിച്ചു.

ഇതിന്​ മറുപടിയുമായി രൺവീറുമെത്തി. ‘‘ഇന്ത്യ ഇരുകൈകളും നീട്ടി നിങ്ങളെ കാത്തിരിക്കുന്നു. ഇവിടെ മനോഹരമായ ഒാർമകൾ നിങ്ങൾക്കുണ്ടാകുമെന്നും ഉറപ്പ്​ നൽകുന്നു’’ -എന്നായിരുന്നു രൺവീറി​​​​െൻറ മറുപടി. ദീപിക-രൺവീർ വിവാഹത്തിനായിരിക്കും ഒാസിലി​​​​െൻറ വര​െവന്നാണ്​ ആരാധകരുടെ പക്ഷം. ഒാസിലിനൊപ്പമുള്ള ചിത്രം മുമ്പ്​ രൺവീർ ഇൻസ്റ്റഗ്രാമിൽ പങ്കുവെച്ചിരുന്നു.