ബംഗളൂരു: സ്വന്തം നാട്ടിൽ രണ്ടാം ജയം ലക്ഷ്യമിട്ട് ഇറങ്ങിയ ബെംഗളൂരുവിന് മുന്നിൽ റൺമല പടുത്തുയർത്തി രാജസ്ഥാൻ റോയൽസ്. ടോസ് നഷ്ടമായി ബാറ്റിങ് തെരഞ്ഞെടുത്ത രാജസ്ഥാന് വേണ്ടി മലയാളി താരം സഞ്ജു വി. സാംസൺ നടത്തിയ വെടിക്കെട്ട് ബാറ്റിങ്ങിെൻറ കരുത്തിലാണ് സ്കോർ 200 കടന്നത്. സ്കോർ: രാജസ്ഥാൻ: 217/4
45 പന്തുകളിൽ രണ്ട് ബൗണ്ടറികളും പത്ത് എണ്ണം പറഞ്ഞ സിക്സറുകളുമാണ് സഞ്ജുവിെൻറ ബാറ്റിൽ നിന്നും പിറന്നത്. നിലവിൽ മൂന്ന് കളികളിൽ നിന്നായി 151 റൺസുള്ള സഞ്ജു ശിഖർ ധവാനെ കടത്തിവെട്ടി ഒാറഞ്ച് െതാപ്പിയും കൈക്കലാക്കി.
ഒാപണർമാരായ നായകൻ അജിൻക്യ രഹാനെയും ഷോർട്ടും ചേർന്ന് ഭേദപ്പെട്ട തുടക്കമായിരുന്നു ആതിഥേയർക്ക് നൽകിയത്. എന്നാൽ 20 പന്തുകൾ നേരിട്ട് 36 റൺസടിച്ച നായകൻ പുറത്താവുകയായിരുന്നു. തുടർന്ന് ഷോർട്ടും കൂടാരം കയറിയതോടെ രാജസ്ഥാൻ പതറിയിരുന്നു. തുടർന്ന് വന്ന സഞ്ജു ബെൻ സ്റ്റോകിനൊപ്പം 49 റൺസിെൻറയും ജോസ് ബട്ലർക്കൊപ്പം 73 റൺസിെൻറയും കൂട്ടുകെട്ടുണ്ടാക്കിയാണ് സ്കോർ വേഗത്തിൽ ചലിപ്പിച്ചത്.
രാജസ്ഥാന് വേണ്ടി സ്റ്റോക്സ് 27 റൺസും ബട്ലർ 23 റൺസും നേടി. ബംഗളൂരുവിന് വേണ്ടി യുസ്വേന്ദ്ര ചാഹലും ക്രിസ് വോക്സും രണ്ടുവീതം വിക്കറ്റുകളെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.