കൊൽക്കത്ത: ഇന്ത്യൻ ക്യാപ്റ്റൻ വിരാട് കോഹ്ലിക്ക് താൻ ടീമിെൻറ ബോസാണെന്ന് തോന്നലുണ്ടെങ്കിൽ പിന്നെ ഇന്ത്യക്കെന്തിനാ മറ്റൊരു കോച്ച്? മുൻ ഇന്ത്യൻ ഒാഫ് സ്പിന്നർ എറാപ്പള്ളി പ്രസന്നയുടെ ചോദ്യമാണിത്. കോഹ്ലിയും കോച്ചിങ് സ്ഥാനം രാജിവെച്ച അനിൽ കുംെബ്ലയും തമ്മിലുണ്ടായിരുന്ന പോരിനെക്കുറിച്ചുള്ള മാധ്യമപ്രവർത്തകരുടെ ചോദ്യത്തിനാണ് പ്രസന്നയുടെ മറുചോദ്യം.
‘‘ ഇന്ത്യൻ ടീമിനെന്തിനാണൊരു കോച്ച്, ക്യാപ്റ്റൻ തന്നെ കോച്ചാവുകയാണെങ്കിൽ? ഇവർക്ക് ബാറ്റിങ് കോച്ചും ഫീൽഡിങ് കോച്ചും വേണ്ടതില്ലെന്നാണ് എനിക്ക് തോന്നുന്നത്. കോഹ്ലി തീർച്ചയായും മികച്ച ബാറ്റ്സ്മാനാണ്. എന്നാൽ, മികച്ച ക്യാപ്റ്റനാണോയെന്ന കാര്യത്തിൽ എനിക്ക് സംശയമുണ്ട്. കുംെബ്ലയെ പോലെ ഇന്ത്യയുടെ ഇതിഹാസതാരത്തിനെ പോലും അനുസരിക്കാനും ബഹുമാനിക്കാനും ഇവർക്കാവുന്നില്ലെങ്കിൽ ബാറ്റിങ്, ബൗളിങ് കോച്ചുകളായ സഞ്ജയ് ബംഗാർ, ആർ. ശ്രീധർ എന്നിവർക്കും ഒരു തരത്തിലുള്ള ബഹുമാനവും ലഭിക്കില്ലെന്നുറപ്പാണ്- പ്രസന്ന പറഞ്ഞു. വെസ്റ്റിൻഡീസ് സന്ദർശനത്തിന് യുവതാരങ്ങളെ കൂടുതൽ ഉൾപ്പെടുത്തേണ്ടിയിരുന്നെന്നും മുൻ ഇന്ത്യൻ സ്പിൻ ബൗളർ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.