കൊളംബോ: ഇന്ത്യക്കെതിരായ ടെസ്റ്റ് പരമ്പരയിൽ ശ്രീലങ്കൻ ബൗളിങ് നിരയെ ഒരുക്കുന്നത് മുൻ പേസ് ബൗളർ ചാമിന്ദ വാസ്. സിംബാബ്വെക്കെതിരായ പരമ്പരക്കു പിന്നാലെ രാമനായകെ രാജിവെച്ചതോടെയാണ് വാസ് ബൗളിങ് കോച്ചാവുന്നത്. 2016 ആഗസ്റ്റ് മുതൽ ഉപദേശകൻ എന്ന നിലയിൽ വാസ് ലങ്കൻ ടീമുമായി സഹകരിക്കുന്നുണ്ട്. 2008ൽ ബംഗ്ലാദേശ് ബൗളിങ് കോച്ചായി നിയമിക്കപ്പെട്ട രാമനായെകയുടെ കീഴിലായിരുന്നു റൂബൽ ഹുസൈൻ, ഷഫിഉൽ ഇസ്ലാം തുടങ്ങി ഒരുപിടി പേസ് ബൗളർമാർ ഉയർന്നുവന്നത്. ബംഗ്ലാ ക്രിക്കറ്റിനെ അടിമുടി മാറ്റുന്നതിൽ നിർണായക പങ്കുവഹിച്ച രാമനായകെ ഹൈ പെർഫോർമൻസ് മാനേജറായി പോവുകയാണെന്നാണ് റിപ്പോർട്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.