ന്യൂഡൽഹി: ചുറുചുറുക്കും ചടുലതയും നിലനിർത്തി കോവിഡിനെതിരെ പടപൊരുതാൻ ജനങ്ങളോടാവശ്യപ്പെട്ട് ഇന്ത്യൻ ക്രിക്കറ്റ് താരം രോഹിത് ശർമ. ട്വിറ്ററിൽ പങ്കുവെച്ച വിഡിയോ സന്ദേശത്തിലാണ് 32കാരനായ രോഹിതിെൻറ പ്രതികരണം. കാര്യങ്ങൾ സാധാരണനിലയിലെത്തിക്കാനുള്ള ഏക പോംവഴി നാം എല്ലാവരും ഒരുമിച്ച് നിൽക്കുകയെന്നതാണ്.
എന്തെങ്കിലും ലക്ഷണങ്ങൾ കണ്ടാൽ ഉടൻ ആരോഗ്യപ്രവർത്തകരെ വിവരമറിയിക്കുക -രോഹിത് പറഞ്ഞു. മഹമാരിയിൽ മരിച്ചവർക്ക് ആദരാഞ്ജലിയർപ്പിച്ച മുംബൈ ഇന്ത്യൻസ് നായകൻ ജീവൻ പണയപ്പെടുത്തിയും രോഗബാധയെ െചറുക്കാൻ രാപ്പകൽ കർമനിരതരായ ലോകത്താകമാനമുള്ള ഡോക്ടർമാരെയും ആരോഗ്യരംഗത്തുള്ളവരെയും അഭിനന്ദിക്കാനും മറന്നില്ല.
സുരക്ഷിതരായിരിക്കാനും ജാഗരൂകതയോടെ പ്രവർത്തിക്കാനും ഇന്ത്യൻ ക്രിക്കറ്റ് ടീം നായകൻ വിരാട് കോഹ്ലി ശനിയാഴ്ച സമൂഹ മാധ്യമങ്ങളിലൂടെ അഭ്യർഥിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.