പെരിന്തല്‍മണ്ണ: അണ്ടര്‍ 19 ജില്ലാ ക്രിക്കറ്റില്‍ കോഴിക്കോടിനെതിരെ വയനാടിന് 45 റണ്‍സ് ജയം. 38 ഓവറില്‍ ഒമ്പത് വിക്കറ്റ് നഷ്ടപ്പെട്ട് 102 റണ്‍സില്‍ ഇന്നിങ്സ് പുനരാരംഭിച്ച കോഴിക്കോടിന് റണ്‍സൊന്നും കൂട്ടിച്ചേര്‍ക്കാനായില്ല. തുടര്‍ന്ന് രണ്ടാം ഇന്നിങ്സ് ആരംഭിച്ച വയനാട് 23.4 ഓവറില്‍ 66 റണ്‍സിന് എല്ലാവരും പുറത്തായി. കോഴിക്കോടിന് വേണ്ടി ശ്യാംജിത് മോഹന്‍ 7.3 ഓവറില്‍ 26 റണ്‍സ് വിട്ടുകൊടുത്ത് ആറ് വിക്കറ്റും രാഹുല്‍ദാസ് പത്ത് ഓവറില്‍ 17 റണ്‍സ് വിട്ടുകൊടുത്ത് നാല് വിക്കറ്റും നേടി. വിജയലക്ഷ്യമായ 110 റണ്‍സ് മുന്നില്‍കണ്ട് ഇറങ്ങിയ കോഴിക്കോടിന് 23.3 ഓവറില്‍ 64 റണ്‍സ് എടുക്കാനേ കഴിഞ്ഞുള്ളൂ. വയനാടിന്‍െറ മുഹമ്മദ് സിനാന്‍ 10 ഓവറില്‍ 14 റണ്‍സ് വിട്ടുകൊടുത്ത് നാല് വിക്കറ്റ് നേടി. 10ന് മലപ്പുറം വയനാടിനെ നേരിടും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.