സിഡ്നി: ബോക്സിങ് റിങ്ങിന് വീണ്ടും വേദനയായി മറ്റൊരു മരണവാർത്തകൂടി. സഹതാരത് തിന് പരിശീലന കൂട്ടാളിയാകാൻ റിങ്ങിലിറങ്ങിയ ആസ്ട്രേലിയയുടെ മിഡ്ൽവെയ്റ്റ് ബോക്സർ 27കാരനായ ഡ്വൈറ്റ് റിച്ചിയാണ് ഇടിയേറ്റു മരിച്ചത്. ഡിസംബറിൽ നടക്കുന്ന ഒാഷ്യാനിയ മിഡ്ൽവെയ്റ്റ് ചാമ്പ്യൻഷിപ്പിനൊരുങ്ങുന്ന മൈക്കൽ സെറാഫയുടെ പരിശീലന കൂട്ടാളിയായി റിങ്ങിലെത്തിയപ്പോഴാണ് റിച്ചിയെ മരണം പിടികൂടിയത്.
പരിശീലനത്തിനിടെ സെറാഫയുടെ ഇടി റിച്ചിയുടെ നെഞ്ചിൽ പതിച്ചു. റിങ്ങിെൻറ മൂലയിലേക്കു മടങ്ങിയ താരം കുഴഞ്ഞുവീണ് അബോധാവസ്ഥയിലായി എന്നാണ് റിപ്പോർട്ട്. ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. കഴിഞ്ഞ ആഗസ്റ്റിൽ ആസ്ട്രേലിയൻ സൂപ്പർ വെൽറ്റർവെയ്റ്റിൽ മത്സരിച്ച റിച്ചി ടിം സ്യൂവിനോട് തോറ്റിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.