കുറ്റ്യാടി: സംസ്ഥാന സീനിയര് വോളിബാളിന്െറ ആദ്യ സെമിഫൈനല് മത്സരത്തില് കണ്ണൂരിനെ ഒന്നിനെതിരെ മൂന്നു സെറ്റുകള്ക്ക് തോല്പിച്ച് തിരുവനന്തപുരം വനിതകള് ഫൈനലില്. ആദ്യ സെറ്റില് വിജയിച്ച തിരുവനന്തപുരത്തെ, രണ്ടാം സെറ്റില് കണ്ണൂര് പിടിച്ചുനിര്ത്തിയെങ്കിലും പിന്നീട് നടന്ന രണ്ടു സെറ്റുകളും തിരുവനന്തപുരം അനായാസം നേടുകയായിരുന്നു. തിരുവനന്തപുരത്തിന്െറ ക്യാപ്റ്റന് രേഖ, ടിജിരാജു എന്നിവരുടെ തകര്പ്പന് സ്മാഷുകളും കനത്ത സര്വിസുകളും തുരുതുരെ വീണപ്പേള് കണ്ണൂര് പതറുകയായിരുന്നു. സ്കോര് 25-21, 21-25, 25-17, 25-16. ബുധനാഴ്ച നടക്കുന്ന രണ്ടാം സെമിയില് കോഴിക്കോടിന്െറയും മലപ്പുറത്തിന്െറയും വനിതകള് ഏറ്റുമുട്ടും.
വയനാടിനെ ഏകപക്ഷീയമായ മൂന്നു സെറ്റുകള്ക്ക് തോല്പിച്ചാണ് കോഴിക്കോടിന്െറ വനിതകള് സെമിയിലത്തെിയത്. സ്കോര്: 25-10, 25-19, 25-17. രാവിലെ നടന്ന പുരുഷന്മാരുടെ കളിയില് തിരുവനന്തപുരം തൃശൂരിനെ ഏകപക്ഷീയമായ മൂന്നു സെറ്റുകള്ക്ക് കീഴ്പ്പെടുത്തി. സ്കോര്: 26-16, 25-13, 25-20. തുടര്ന്ന് മലപ്പുറവും വയനാടും തമ്മില് നടന്ന മത്സരത്തില് മലപ്പുറം ജയിച്ചു. സ്കോര്: 25-19, 25-20, 25-20. പുരുഷ വിഭാഗത്തില് എറണാകുളം സെമിയില് കടന്നു. തിരുവനന്തപുരത്തെയാണ് തോല്പിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.