ചെ​സി​ൽ റ​ഷ്യ​യാ​കാ​ൻ ഇ​ന്ത്യ​; ഇ​ന്ന് തു​ട​ങ്ങു​ന്ന കാ​ൻ​ഡി​ഡേ​റ്റ്സ് ടൂ​ർ​ണ​മെ​ന്റി​ൽ അ​ഞ്ചു​പേ​ർ

ടോ​റ​ന്റോ: നി​ല​വി​ലെ ചാ​മ്പ്യ​നെ​തി​രാ​യ ലോ​ക​പോ​രാ​ട്ട​ത്തി​ൽ മു​ഖാ​മു​ഖം നി​ൽ​ക്കു​ന്ന എ​തി​രാ​ളി​യെ ക​ണ്ടെ​ത്താ​നു​ള്ള കാ​ൻ​ഡി​ഡേ​റ്റ്സ് ചെ​സ് ചാ​മ്പ്യ​ൻ​ഷി​പ്പി​ൽ ഇ​ത്ത​വ​ണ ഇ​ന്ത്യ​യി​ൽ​നി​ന്ന് അ​ഞ്ച് താ​ര​ങ്ങ​ൾ. ഓ​പ​ൺ വി​ഭാ​ഗ​ത്തി​ൽ മൂ​ന്നും വ​നി​ത വി​ഭാ​ഗ​ത്തി​ൽ ര​ണ്ടും പേ​രാ​ണ് മ​ത്സ​രി​ക്കു​ന്ന​ത്. ലോ​ക​​ത്തെ ഏ​റ്റ​വും മി​ക​ച്ച എ​ട്ടു​പേ​ർ മാ​ത്രം മാ​റ്റു​ര​ക്കു​ന്ന ഓ​പ​ൺ പോ​രാ​ട്ട​ത്തി​ൽ ആ​ർ. പ്ര​ഗ്നാ​ന​ന്ദ, ഡി. ​ഗു​കേ​ഷ്, വി​ദി​ത് ഗു​ജ​റാ​ത്തി എ​ന്നി​വ​രാ​ണ് ക​രു​ക്ക​ൾ നീ​ക്കു​ക. ഇ​തി​ലെ വി​ജ​യി​ക​ൾ ലോ​ക ചാ​മ്പ്യ​ൻ​ഷി​പ്പി​ൽ നി​ല​വി​ലെ ജേ​താ​വ് ചൈ​ന​യു​ടെ ഡി​ങ് ലി​റെ​നെ നേ​രി​ടും. വ​നി​ത​ക​ളി​ൽ നി​ല​വി​ലെ ചാ​മ്പ്യ​ൻ ചൈ​ന​യു​ടെ ജു ​വെ​ൻ​ജു​നാ​ണ്‌. ഇ​വ​രു​ടെ എ​തി​രാ​ളി​യെ നി​ശ്ച​യി​ക്കു​ന്ന കാ​ൻ​ഡി​ഡേ​റ്റ് ടൂ​ർ​ണ​മെ​ന്റി​ൽ ഇ​ന്ത്യ​യെ പ്ര​തി​നി​ധാ​നം ചെ​യ്‌​ത്‌ കൊ​ണേ​രു ഹം​പി​യും ആ​ർ. വൈ​ശാ​ലി​യും പ​ങ്കെ​ടു​ക്കും. 35 വ​ർ​ഷ​ത്തി​നി​ടെ ആ​ദ്യ​മാ​യാ​ണ് ഇ​ത്ര​യും ഇ​ന്ത്യ​ക്കാ​ർ ഈ ​ടൂ​ർ​ണ​മെ​ന്റി​ൽ ഒ​ന്നി​ച്ച് അ​ണി​നി​ര​ക്കു​ന്ന​ത്. മ​ത്സ​ര​ങ്ങ​ൾ കാ​ന​ഡ​യി​ൽ ഇ​ന്ന് ഇ​ന്ത്യ​ൻ സ​മ​യം അ​ർ​ധ​രാ​ത്രി 12ന് ​തു​ട​ങ്ങും.

സാ​ധ്യ​ത​ക​ളി​ൽ മു​മ്പ​ൻ പ്രാ​ഗ്

അ​മേ​രി​ക്ക​ൻ താ​രം ഫാ​ബി​യാ​നോ ക​രു​വാ​ന ടോ​പ് സീ​ഡാ​യ കാ​ൻ​ഡി​ഡേ​റ്റ്സ് ടൂ​ർ​ണ​മെ​ന്റി​ൽ ഇ​ന്ത്യ​ൻ ത്ര​യ​ത്തി​നെ​തി​രെ യു.​എ​സി​ന്റെ ത​ന്നെ ഹി​കാ​രു ന​കാ​മു​റ, ഫ്രാ​ൻ​സി​ന്റെ അ​ലി​റി​സ ഫൈ​റൂ​സ, റ​ഷ്യ​യു​ടെ ഇ​യാ​ൻ നെ​പ്പോം​നി​യാ​ച്ചി എ​ന്നി​വ​രും ഇ​റ​ങ്ങു​ന്നു​ണ്ട്.

ലോ​ക​ക​പ്പ് ജേ​താ​വ് കാ​ൾ​സ​ൺ ഇ​ക്കു​റി​യും ലോ​ക ചാ​മ്പ്യ​ൻ​ഷി​പ്പി​നി​ല്ല. ഇ​ന്ത്യ​യു​ടെ മൂ​വ​ർ സം​ഘ​ത്തി​ൽ 18കാ​ര​നാ​യ പ്ര​ഗ്നാ​ന​ന്ദ​ക്കാ​ണ് സാ​ധ്യ​ത കൂ​ടു​ത​ൽ ക​ൽ​പി​ക്ക​പ്പെ​ടു​ന്ന​ത്.

എ​ട്ടു​ത​വ​ണ റ​ഷ്യ​ൻ ചാ​മ്പ്യ​നാ​യ പീ​റ്റ​ർ സ്വി​ഡ്‍ല​ർ പ്ര​ഗ്നാ​ന​ന്ദ​ക്ക് സ​ഹാ​യി​യാ​യി ഉ​ണ്ടെ​ന്ന​താ​ണ് ഏ​റ്റ​വും വ​ലി​യ ആ​നു​കൂ​ല്യം. അ​സ​ർ​ബൈ​ജാ​നി​ലെ ബാ​കു​വി​ൽ ക​ഴി​ഞ്ഞ ലോ​ക​ക​പ്പി​ലെ വെ​ള്ളി മെ​ഡ​ൽ ​പ്ര​ക​ട​ന​വു​മാ​യാ​ണ് പ്ര​ഗ്നാ​ന​ന്ദ ടൂ​ർ​ണ​മെ​ന്റി​ലേ​ക്ക് ടി​ക്ക​റ്റെ​ടു​ത്ത​ത്. ക​ലാ​ശ​പ്പോ​രി​ൽ അ​വ​സാ​നം മാ​ഗ്ന​സ് കാ​ൾ​സ​ണു മു​ന്നി​ൽ വീ​ണാ​യി​രു​ന്നു താ​ര​ത്തി​ന്റെ മ​ട​ക്കം. അ​തേ സ​മ​യം, ഗ്രാ​ൻ​ഡ് സ്വി​സ് ടൂ​ർ​ണ​​മെ​ന്റി​ലെ നേ​ട്ട​ങ്ങ​ൾ ഗു​ജ​റാ​ത്തി​ക്കും ചെ​ന്നൈ​യി​ൽ ഡി​സം​ബ​റി​ൽ ന​ട​ന്ന ടൂ​ർ​ണ​മെ​ന്റ് വി​ജ​യം ഗു​കേ​ഷി​നും തു​ണ​യാ​യി.

ഇ​ള​മു​റ​ക്കാ​ര​ൻ ഗു​കേ​ഷ്

17കാ​ര​ൻ ഗു​കേ​ഷ് വ​ള​ർ​ന്നു​വ​രു​ന്ന താ​ര​നി​ര​യി​ൽ ഏ​റ്റ​വും പ്ര​തി​ഭ ക​ൽ​പി​ക്ക​പ്പെ​ടു​ന്ന കൗ​മാ​ര​ക്കാ​ര​നാ​ണ്. കാ​ൻ​ഡി​​ഡേ​റ്റ്സ് ടൂ​ർ​ണ​മെ​ന്റി​ൽ ഇ​ത്ത​വ​ണ ഏ​റ്റ​വും പ്രാ​യം കു​റ​ഞ്ഞ​വ​നാ​ണെ​ന്നു മാ​ത്ര​മ​ല്ല, 1959ൽ ​ത​ന്റെ 16ാം വ​യ​സ്സി​ൽ യോ​ഗ്യ​ത നേ​ടി​യ ബോ​ബി ഫി​ഷ​റി​നു ശേ​ഷ​മു​ള്ള ഇ​ള​മു​റ​ക്കാ​ര​ന്റെ റെ​ക്കോ​ഡും ഗു​കേ​ഷി​നാ​ണ്.

ഈ ​രം​ഗ​ത്ത് ബോ​ബി ഫി​ഷ​ർ പി​ന്നീ​ട് കു​റി​ച്ച ച​രി​ത്ര​മ​ത്ര​യും ത​ന്റെ പേ​രി​ലാ​ക്കാ​ൻ ഗു​കേ​ഷി​നാ​കു​മോ​യെ​ന്നാ​ണ് ചെ​സ് ലോ​കം കാ​ത്തി​രി​ക്കു​ന്ന​ത്. നാ​സി​ക്കു​കാ​ര​നാ​യ വി​ദി​ത് ഗു​ജ​റാ​ത്തി​യും മി​ക​ച്ച പ്ര​ക​ട​ന​വു​മാ​യി സ​മീ​പ​കാ​ല​ത്ത് ചെ​സ് ലോ​ക​ത്ത് സാ​ന്നി​ധ്യ​മു​റ​പ്പി​ച്ച ക​ളി​ക്കാ​ര​നാ​ണ്.

ഹം​പി​യും വൈ​ശാ​ലി​യും

പ്ര​ഗ്നാ​ന​ന്ദ​യു​ടെ സ​ഹോ​ദ​രി​യാ‍യ വൈ​ശാ​ലി ഗ്രാ​ൻ​ഡ്‌ സ്വി​സ്‌ ടൂ​ർ​ണ​മെ​ന്റി​ൽ ഒ​ന്നാ​മ​തെ​ത്തി​യാ​ണ്‌ യോ​ഗ്യ​ത നേ​ടി​യ​ത്‌. മി​ക​ച്ച റേ​റ്റി​ങ്ങാ​ണ്‌ ആ​ന്ധ്ര​ക്കാ​രി ഹം​പി​ക്ക് തു​ണ​യാ​യ​ത്. ലി ​ടി​ങ്ജി (ചൈ​ന), ടാ​ൻ സോ​ങ് യി (​ചൈ​ന), കാ​ത​റീ​ന ല​ഗ്‌​നോ (റ​ഷ്യ), അ​ല​ക്‌​സാ​ൻ​ഡ്ര ഗോ​ര്യാ​ച്‌​കി​ന (റ​ഷ്യ), ന​ർ​ഗു​ൽ സ​ലി​മോ​വ (ബ​ൾ​ഗേ​റി​യ), അ​ന്ന മു​സി​ചു​ക്‌ (യു​ക്രെ​യ്‌​ൻ) എ​ന്നി​വ​രും വ​നി​ത വി​ഭാ​ഗ​ത്തി​ൽ മ​ത്സ​രി​ക്കു​ന്നു​ണ്ട്. ഏ​പ്രി​ൽ നാ​ലു​മു​ത​ൽ 21 വ​രെ 14 റൗ​ണ്ട്‌ മ​ത്സ​ര​ങ്ങ​ളാ​ണ്‌ ന​ട​ക്കു​ന്ന​ത്. ആ​വ​ശ്യ​മെ​ങ്കി​ൽ 22ന്‌ ​ടൈ​ബ്രേ​ക്ക​റു​ണ്ടാ​വും.