സ്റ്റീഫന്‍ അബീക്കു അക്വ,
ഫ്രാന്‍സിസ് ഡാദ്‌സേ
കൊച്ചി: മുന്‍ നോര്‍ത്ത് ഇൗസ്റ്റ് യുനൈറ്റഡ് സ്‌ട്രൈക്കര്‍ ഫ്രാന്‍സിസ് ഡാദ്‌സേയും മുന്‍ ഗോകുലം കേരള എഫ്.സി മിഡ്ഫീല്‍ഡര്‍ സ്റ്റീഫന്‍ അബീക്കു അക്‌വയും കേരള യുനൈറ്റഡ് എഫ്.സിയില്‍. രണ്ടുപേരും എടവണ്ണയില്‍ പരിശീലനം ആരംഭിച്ചു.
ഐസ്വാള്‍ എഫ്.സിക്കും സ്‌പോര്‍ട്ടിങ് ഗോവക്കും കളിച്ചിട്ടുള്ള 26കാരനായ ഡാദ്‌സേ ഐ ലീഗിലും ഐ.എസ്.എല്ലിലുമായി 25 ഗോളുകള്‍ നേടിയിട്ടുണ്ട്. ഘാനയിലെ ബെക്കം യുനൈറ്റഡ് എഫ്.സിയിലൂടെയായിരുന്നു തുടക്കം. 21കാരനാണ് സ്റ്റീഫന്‍ അബീക്കു. ഘാന സ്വദേശികളായ ഇരുവരും കെ.പി.എല്ലിനായി കളത്തിലിറങ്ങും. ആറിന് മഹാരാജാസ് ഗ്രൗണ്ടില്‍ നടക്കുന്ന ആദ്യ മത്സരത്തില്‍ കോവളം എഫ്.സിയെയാണ് കേരള യുനൈറ്റഡ് നേരിടുക. ഇംഗ്ലീഷ് പ്രീമിയര്‍ ലീഗിലെ ഷെഫീല്‍ഡ് യുനൈറ്റഡിെൻറ സഹോദര ക്ലബാണ് കേരള യുനൈറ്റഡ് എഫ്.സി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.