കേരള ബ്ലാസ്റ്റേഴ്സ് താരങ്ങൾ ഗോവയിൽ പരിശീലനത്തിൽ
കൊച്ചി: സൂപ്പർ കപ്പ് ടൂർണമെന്റ് ഒരുക്കങ്ങളുടെ ഭാഗമായി കേരള ബ്ലാസ്റ്റേഴ്സ് എഫ്.സി ഗോവയിൽ പ്രീ സീസൺ ക്യാമ്പിന് തുടക്കമിട്ടു. ഗോവയിലെ പാരാ ഗ്രൗണ്ടിൽ ഹെഡ് കോച്ച് ഡേവിഡ് കറ്റാലയുടെ നേതൃത്വത്തിലാണ് പരിശീലന സെഷനുകൾ ആരംഭിച്ചത്. സീസണിലെ ആദ്യ പ്രധാന പോരാട്ടമായ സൂപ്പർ കപ്പിന് മുന്നോടിയായി ചേർന്ന പുതിയ കളിക്കാർക്ക് ടീമുമായി പൊരുത്തപ്പെടാനുള്ള സുപ്രധാന അവസരം കൂടിയാണ് ക്യാമ്പ്.
വിദേശ താരങ്ങളായ ക്യാപ്റ്റൻ അഡ്രിയാൻ ലൂണ, നോഹ സദൗയി, ദുസാൻ ലഗാതോർ, പുതുതായി ടീമിലെത്തിയ സ്പാനിഷ് സ്ട്രൈക്കർ കോൾഡോ ഒബിയേറ്റ എന്നിവർ ക്യാമ്പിലുണ്ട്. സച്ചിൻ സുരേഷ്, അർഷ് ഷെയ്ഖ്, നോറ ഫെർണാണ്ടസ്, അൽ സാബിത്ത്, നവോച്ച സിങ്, ഐബാൻഭ ഡോഹ്ലിങ്, ഫ്രെഡി ലാൽവമ്മാവിയ, മുഹമ്മദ് അസ്ഹർ, സന്ദീപ് സിങ്, അമാവിയ, അമെ റാണവാഡെ, പ്രബീർ ദാസ്, ബികാഷ് സിങ്, നിഹാൽ സുധീഷ്, ഹോർമിപാം റുയിവാഹ് തുടങ്ങിയവരാണ് ക്യാമ്പിലുള്ളത്.
മധ്യനിര താരം ഡാനിഷ് ഫാറൂഖ് ഏഷ്യൻ കപ്പ് യോഗ്യത മത്സരങ്ങൾക്കായി ഇന്ത്യൻ ദേശീയ ടീമിനൊപ്പമാണ്. യുവതാരങ്ങളായ വിബിൻ മോഹനൻ, കോറോ സിങ്, ബികാഷ് യുമ്നം, മുഹമ്മദ് സഹീഫ്, മുഹമ്മദ് അയ്മൻ, സുമിത് ശർമ, എം.എസ്. ശ്രീക്കുട്ടൻ എന്നിവർ ഇന്ത്യയുടെ അണ്ടർ-23 ടീമിനൊപ്പവും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.