ലണ്ടൻ: കളി മികവിൽ എന്നേ ലോകം കീഴടക്കിയതിനൊപ്പം നീലക്കുപ്പായത്തിൽ കോപ കിരീടം ചൂടുക കൂടി ചെയ്തതോടെ മെസ്സിയാണിപ്പോൾ കായിക ലോകത്തെ താരം. 10ാം നമ്പറുകാരനെ അവസാനം ബാഴ്സ നിലനിർത്തുക കൂടി ചെയ്തത് ആരാധകർക്ക് തെല്ലൊന്നുമല്ല ആശ്വാസം നൽകിയത്. എന്നാൽ, കോപ കിരീടം ചേർത്തുപിടിച്ചുനിൽക്കുന്ന സ്വന്തം ഫോട്ടോ സമൂഹ മാധ്യമത്തിലിട്ട സൂപർ താരത്തെ മറ്റൊരു റെക്കോഡ് കൂടി തേടിയെത്തിയിരിക്കുകയാണ്.
ഇൻസ്റ്റഗ്രാമിൽ സ്വന്തമായി പോസ്റ്റ് ചെയ്ത ആ ചിത്രമാണ് ഏറ്റവും കൂടുതൽ പേർ ലൈക് ചെയ്ത സ്പോർട്സ് ചിത്രം. നേരത്തെ ഡീഗോ മറഡോണക്ക് അന്ത്യോപചാരമർപ്പിച്ച് ക്രിസ്റ്റ്യാനോ റൊണാൾഡോയിട്ട ചിത്രത്തിനായിരുന്നു ആ റെക്കോഡ്. രണ്ടു കോടിയിലേറെ പേരാണ് ചിത്രത്തിന് ലൈക് നൽകിയത്.
ഇൻസ്റ്റയുടെ ചരിത്രത്തിൽ ഏറ്റവും ലൈക് ലഭിച്ച ആറാമത്തെ ചിത്രവുമാണിത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.