ഷില്ലോങ്: ഐ ലീഗിൽ ഗോകുലം കേരളക്ക് സീസണിലെ ആദ്യ തോൽവി. ഷില്ലോങ് ലജോങ്ങിനെതിരായ എവേ മത്സരത്തിൽ 1-3നായിരുന്നു പരാജയം. 29ാം മിനിറ്റിൽ ഡാനിയൽ ഗോൺക്ലേവ്സിലൂടെ ആതിഥേയർ ലീഡെടുത്തു.
43ാം മിനിറ്റിൽ നിലി പെഡ്രോമോ ഗോൾ മടക്കി. 75ാം മിനിറ്റിൽ ലജോങ്ങിന് ലഭിച്ച പെനാൽറ്റി കിക്ക് ലക്ഷ്യത്തിലെത്തിച്ചു റെനാൻ ഡിസൂസ. കളി തീരാൻ നേരം ഹാർഡി നോൺഗിബ്രിയും (90+9) സ്കോർ ചെയ്തതോടെ ഗോകുലത്തിന്റെ പതനം പൂർണം. അഞ്ച് മത്സരങ്ങളിൽ 10 പോയന്റുമായി ഗോകുലം മൂന്നാമതാണ്.
മറ്റൊരു മത്സരത്തിൽ ശ്രീനിധി ഡെക്കാൻ 5-0ത്തിന് ട്രാവു എഫ്.സിയെ തകർത്തു. കല്യാണി സ്റ്റേഡിയത്തിൽ ട്രാവുവിന്റെ ഹോം മത്സരത്തിലായിരുന്നു ശ്രീനിധിയുടെ മികവ്. ഇതോടെ അഞ്ച് മത്സരങ്ങളിൽ 10 പോയന്റുമായി ഇവർ ഗോുലത്തെ മറികടന്ന് രണ്ടാം സ്ഥാനത്തേക്ക് കയറി. 13 പോയന്റുള്ള മുഹമ്മദൻസാണ് ഒന്നാം സ്ഥാനത്ത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.