ടൂറിൻ: പതിവുപോലെ നിർഭാഗ്യം വീണ്ടും ഒപ്പംകൂടിയപ്പോൾ യുവേഫ നാഷൻസ് ലീഗ് പോരാട്ടത്തിൽ വീണ്ടും തോറ്റ് ബെൽജിയം. മൂന്നാം സ്ഥാനത്തിനു വേണ്ടിയുള്ള കരുത്തരുടെ മത്സരത്തിൽ ബെൽജിയത്തെ ഇറ്റലി തോൽപിച്ചു. ആവേശം നിറഞ്ഞ മത്സരത്തിൽ 2-1നാണ് ബെൽജിയം കീഴടങ്ങിയത്.
🇮🇹 Barella & Berardi put Italy in control 💪#NationsLeague pic.twitter.com/aB5TafKXH7
— UEFA Nations League (@EURO2024) October 10, 2021
സുവർണാവസരങ്ങൾ പലതും തെന്നിമാറിയതാണ് ബെൽജിയത്തിന് തിരിച്ചടിയായത്. ഗോളുറച്ച രണ്ടു ഷോട്ട് ബാറിലും പോസ്റ്റിലും തട്ടി വഴി മാറിയത് ബെൽജിയത്തോടൊപ്പം നിർഭാഗ്യം കൂട്ടുകൂടുന്നതിന്റെ അടയാളമായി. നേരത്തെ, സെമിയിൽ ഫ്രാൻസിന് മുന്നിൽ രണ്ടു ഗോളിന് മുന്നിട്ടു നിന്നിട്ടും ബെൽജിയം തോറ്റതും നേരിയ വ്യത്യാസത്തിനായിരുന്നു.
🇧🇪 First Belgium goal for 20-year-old Charles De Ketelaere 👏👏👏#NationsLeague pic.twitter.com/I0nInGmy3W
— UEFA Nations League (@EURO2024) October 10, 2021
ഗോൾ രഹിതമായ ആദ്യ പകുതിക്കു ശേഷമാണ് ഇരു പോസ്റ്റിലും പന്തെത്തിയത്. 46ാം മിനിറ്റിൽ നികോളോ ബാരെല്ല ബെൽജിത്തിന്റെ പ്രതീക്ഷ തകർത്ത് ആദ്യ ഗോൾ നേടി. 65ാം മിനിറ്റിൽ പെനാൽറ്റി ലക്ഷ്യത്തിലെത്തിച്ച് ഡൊമനികോ ബെറാഡി ഇറ്റലിക്ക് വീണ്ടും മുൻതൂക്കം നൽകി. 86ാം മിനിറ്റിൽ ഗോളി തിബോ കൊർടുവയിൽ നിന്നു തുടങ്ങിയ കൗണ്ടർ അറ്റാക്കിൽ 20കാരൻ ചാൾസിലൂടെ ബെൽജിയം തിരിച്ചടിച്ചത് പ്രതീക്ഷ നൽകിയെങ്കിലും കാര്യമുണ്ടായില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.