മുംബൈ: ഇതിഹാസ ഗായകന്‍ കിഷോര്‍ കുമാറിന്റെ മുംബൈയിലെ ബംഗ്ലാവ് അതിമനോഹര റസ്റ്റാറന്‍റാക്കി മാറ്റി ക്രിക്കറ്റ് താരം വിരാട് കോഹ്‌ലി.
അഞ്ചുവര്‍ഷത്തേക്കാണ് ഗൗരി കുഞ്ചു ബംഗ്ലാവിന്റെ ഒരു ഭാഗം കോഹ്‌ലി വാടകക്ക് സ്വന്തമാക്കിയത്. താരത്തിന്‍റെ ഉടമസ്ഥതയിലുള്ള 'വണ്‍ എയ്റ്റ് കമ്യൂണ്‍' എന്ന റസ്റ്റാറന്‍റ് ശ്യംഖലയാണ് ഇവിടെ ആരംഭിച്ചത്. പ്രമുഖ നടൻ മനീഷ് പോളും കോഹ്‌ലിയുമാണ് ആരാധകർക്കായി റസ്റ്റാറന്‍റ് പരിചയപ്പെടുത്തുന്നത്. വിഡിയോയിൽ ഇരുവരും തങ്ങളുടെ തനതായ ഭക്ഷണ കഥകൾ വെളിപ്പെടുത്തുന്നുണ്ട്.
കിഷോർ കുമാറിന്റെ വലിയ ആരാധകനാണെന്ന് പറയുന്ന കോഹ്‌ലി, അദ്ദേഹത്തിന്റെ 'മേരേ മെഹബൂബ് ഖയാമത്ത് ഹോഗി' എന്ന ഗാനത്തിലെ ഏതാവും വരികൾ പാടുന്നുമുണ്ട്. 'അദ്ദേഹത്തിന്റെ പാട്ടുകൾ എന്നെ ശരിക്കും സ്പർശിച്ചു. നിങ്ങൾ ആരെയാണ് കാണാൻ ആഗ്രഹിക്കുന്നതെന്ന് ഒരാൾ എന്നോട് ചോദിച്ചാൽ, ഞാൻ എപ്പോഴും കിഷോർ ദാ എന്ന് പറയും, കാരണം അയാൾ ഒരു കരിസ്മാറ്റിക് ആയിരുന്നു' -കോഹ്‌ലി പറയുന്നു.
നിലവില്‍ ഡല്‍ഹി, കൊല്‍ക്കത്ത, പുണ എന്നിവിടങ്ങളില്‍ വണ്‍ എയ്റ്റ് കമ്യൂൺ റസ്റ്റാറന്‍റുകൾ പ്രവർത്തിക്കുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.