സൈമൻഡ്​സിൻെറ വിക്കറ്റ്​, കാലി​സിനെതിരായ ബൗൺസർ, ഹർഭജൻെറ അടി.. ശ്രീശാന്ത്​ അവശേഷിപ്പിച്ചതെന്ത്?

ഡിയഗോ മറഡോണ, ബെൻ​ ജോൺസൺ, ഒാസ്​കാർ പ്രി​േട്ടാറിയസ്​, മുഹമ്മദ്​ അസ്​ഹറുദ്ദീൻ എന്നിവരെപ്പോലെ നായകനായും വില്ലനായും കായിക​ലോകത്തെ കഥകളിൽ നിറ​ഞ്ഞോടിയ പേരുകളിലേക്ക്​ ചേർത്തുവെക്കാവുന്നയാളാണ്​ ശാന്തകുമാരൻ ശ്രീശാന്തും. മുംബൈ,ഡൽഹി ലോബികൾ ഭരിക്കുന്ന ക്രിക്കറ്റ്​ സെലക്ഷൻ കമ്മിറ്റികളിലേക്ക്​ 'ഗോഡ്​ഫാദർ'മാരില്ലാതെ വന്ന ശ്രീശാന്തിനെ കേരളം ഏറെ ആഘോഷിച്ചു. ഇരുപത്തിയൊന്നാം നൂറ്റാണ്ടിൽ ഇന്ത്യയിലെത്തിയ രണ്ട്​ ലോകകപ്പ്​ ടീമിലും ഉൾപ്പെട്ട ശ്രീശാന്ത്​ കോഴക്കേസിൽ ഡൽഹി പൊലീസിനോടൊപ്പം വിലങ്ങ്​ വെച്ച്​ തലതാഴ്​ത്തി നടന്നപ്പോൾ അതുവരെ 'വികൃതികളെ' പിന്തുണച്ചവർപോലും കൈയൊഴിഞ്ഞു.

സംഗീതം,ഡാൻസ്​, സിനിമ, മോഡലിങ്​ തുടങ്ങീ ഒടുവിൽ രാഷ്​ട്രീയത്തിൽ വരെ കൈനോക്കിയ ശ്രീശാന്ത്​ കളത്തിലേക്ക്​ മടങ്ങിവരുകയാണ്​. സയ്യിദ്​ മുഷ്​താഖ്​ അലി ട്രോഫിക്കുള്ള കേരളത്തിൻെറ സാധ്യത ടീമിലും 37ാം വയസ്സിൽ ശ്രീശാന്ത്​ ഇടംപിടിച്ചിട്ടുണ്ട്​. ക്രിക്കറ്റ്​ മാന്യൻമാരുടെ കളിയാണെന്നാണ്​ വെപ്പെങ്കിലും കളിക്കളത്തിൽ അത്രമാന്യനല്ലായിരുന്നു ശ്രീശാന്ത്​. ചുരുങ്ങിയ കാലയളവ്​ മാത്രമാണ്​ കളിക്കളത്തിൽ ഉണ്ടായിരുന്നൂവെങ്കിലും ക്രിക്കററ്​ ​​േപ്രമികൾ ശ്രീശാന്തിനെ വേഗം മറക്കാനിടയില്ല.

മറക്കാനാകുമോ ആ മനോഹര സ്​പെൽ..

ധോണിയുടെ യുവതുർക്കികൾ കിരീടം നെ​ഞ്ചോടടുക്കിയ പ്രഥമ ട്വൻറി 20 ലോകക്കപ്പി​​​​െൻറ രണ്ടാം സെമിഫൈനൽ മത്സരം. ഇന്ത്യയുടെ എതിരാളിയാതെത്തിയത്​ ഉഗ്രപ്രതാപികളായ ആസ്​ട്രേലിയ.. യുവരാജിൻറെ അർധസെഞ്ചുറിയുടെ ബലത്തിൽ ഇന്ത്യയുയർത്തിയ 188 റൺസ്​ ഗിൽക്രിസ്​റ്റും ഹെയ്​ഡനും സൈമണ്ട്​സും അടങ്ങുന്ന ആസ്​ട്രേലിയക്ക്​ ബാലികേറാമല ആയിരുന്നില്ല. വിക്കറ്റ്​ നഷ്​ടപ്പെടാതെ 36ലെത്തിനിൽക്കേ ഉജ്വല ​േഫാമിൽ ബാറ്റ്​ചെയ്​തിരുന്ന ആദം ഗിൽക്രിസ്​റ്റിൻറ മിഡിൽസ്​റ്റംബ്​ തെറിപ്പിച്ച്​ ശ്രീശാന്ത്​ കൊടുങ്കാറ്റായുയർന്നു. വിജയത്തിലേക്ക്​ 55 റൺസകലെ ക്രീസിൽ ഭീമനായി നിന്ന മാത്യൂഹെയ്​ഡൻറെ ഒാഫ്​ സ്​റ്റംപ്​​ വായുവിൽ പറത്തി ശ്രീശാന്ത്​​ വീണ്ടും ആഞ്ഞടിച്ചു. തലതാഴ്​ത്തി നടക്കുന്ന ​െഹയ്​ഡനെ നോക്കി തറയിൽ കൈകളടിച്ച്​ ആഹ്​ളാദം പ്രകടിപ്പിച്ച ശ്രീശാന്തിനെ ആരും മറക്കാനിടയില്ല. നാലോവറിൽ ഒരുമെയ്​ഡൻ ഒാവർ അടക്കം 12 റൺസ്​ മാത്രം വഴങ്ങിയ ശ്രീശാന്ത്​ വില​പ്പെട്ട രണ്ട്​ വിക്കറ്റുകളും വീഴ്​ത്തി. അന്ന്​ ഡർബനിലെ കിംഗ്​സ്​മേഡ്​ സ്​റ്റേഡിയത്തിൽ ശ്രീശാന്ത്​ സ്​റ്റംപ്​​ തെറിപ്പിച്ച്​ മടക്കിയത്​​ ആസ്​​ട്രേലിയൻ ക്രിക്കറ്റിൻ​െറ പ്രതാപകാലകാലത്തെക്കൂടിയായിരുന്നു.

'നെല്ലിനെ' പിഴുതെറിഞ്ഞ സിക്​സർ

ദക്ഷിണാഫ്രിക്കയുടെ ചൂടൻ താരം ആ​ന്ദ്രേ നെല്ലിൻറെ സ്ളെഡ്​ജിംഗിന്​ ശ്രീശാന്ത്​ കൊടുത്ത മറുപടി​ ഇന്നും നെല്ലിൻെറ ദുസ്വപ്​നങ്ങളിലുണ്ടായിരിക്കണം. 2006 ലെ ദക്ഷിണാഫ്രിക്കൻ ടൂർ. ദക്ഷിണാ​ഫ്രിക്കൻ പേസ്​പടയെ പ്രതിരോധിക്കാനാകാതെ ഇന്ത്യയുടെ 'ഫാബുലസ്​ ഫൈവ്​' ബാറ്റിങ്​ തകർന്നു തരിപ്പണമായി. ക്രീസിൽ ടീമിൻറെ അവസാന ശ്വാസവുമായി പതിനൊന്നാമനായി ശ്രീശാന്ത്​ ക്രീസിൽ നിൽക്കുന്നു. നെല്ലി​​​​െൻറ പന്തുകളെ പ്രതിരോധിക്കാനാവാതെ നട്ടം തിരിഞ്ഞ ശ്രീശാന്തിൻറെ ചെവിയിലെത്തി 'I can smell blood. You do not have the guts' എന്ന​ പ്രകോപനവുമായി നെൽ തിരിഞ്ഞുനടന്നു. തൊട്ടടുത്ത പന്ത്​ ജോഹന്നാസ്​ബർഗ്​ സ്​റ്റേഡിയത്തിലെ ഗാലറിയിലെത്തിച്ച ശ്രീശാന്ത്​ ബാറ്റ്​ ചുഴറ്റി ക്രീസിലൂടെ ഒാടി. ചമ്മിയ മുഖത്തോടെ​ എല്ലാം കണ്ടുനിൽക്കാനേ ആ​​ന്ദ്രേനെല്ലിനായുള്ളൂ. ഒടുവിൽ അതിരുകവിഞ്ഞ ആഹ്​ളാദപ്രകടനത്തിന്​ ശ്രീശാന്തിന്​ പിഴയൊടു​ക്കേണ്ടിവന്നു.

കാലിസ്​ കോട്ട തകർത്ത ബൗൺസർ

2010 ലെ ഇന്ത്യ-ദക്ഷിണാഫ്രിക്ക ഡർബൻ ടെസ്​റ്റ്​. വിജയത്തിലേക്ക്​ മുന്നേറിക്കൊണ്ടിരിക്കുകയായിരുന്നു ദക്ഷിണാഫ്രിക്ക. ​ലോകത്തെ ഏത്​ പിച്ചിലും ഏത്​ ബൗളർക്കെതിരെയും പ്രതിരോധക്കോട്ടകെട്ടാൻ കെൽപുള്ള ജാക്വസ്​​ കാലിസ്​ ക്രീസിൽ നങ്കൂരമിട്ടു തുടങ്ങുന്നു. ദക്ഷിണാ​​ഫ്രിക്കക്ക്​ വിജയത്തി​ലേക്ക്​ മികച്ച ഒരൊറ്റ കൂട്ടുകെട്ട്​​ മാത്രം മതിയായിരുന്നു. പക്ഷേ സംഭവിച്ചത്​ മറ്റൊന്ന്​. കൊടുങ്കാറ്റിലുമുലയാത്ത കാലിസ്​ കോട്ട ഇളകി. ശ്രീശാന്ത്​ എറിഞ്ഞ ഷോർട്ട്​പിച്ച്​ വെടിയുണ്ടയെ പ്രതിരോധിക്കാനാവാതെ ​ കാലിസ്​ ഒഴിഞ്ഞുമാറിയെങ്കിലും ഗ്​ളൗസിൽ തട്ടി സ്​ളിപ്പിൽ സെവാഗി​​​​െൻറ കൈകളിലേക്ക്​. ഒരു പക്ഷേ കാലിസ്​ ത​​​​െൻറ പതിറ്റാണ്ടുകൾ നീണ്ട ക്രിക്കറ്റ്​ ജീവിതത്തിൽ ഏറ്റവും നിസഹനായി നിന്ന പന്തായിരിക്കണം അത്​. ആ പന്തിനുമുന്നിൽ മറ്റൊന്നും ബാറ്റ്​സ്​മാന്​ ചെയ്യാനില്ല എന്നായിരുന്നു​ ടിവി കമ​​േൻററ്ററായ രവിശാസ്​ത്രി പ്രതികരിച്ചത്​. പന്ത്​ പ്രതിരോധിക്കാനാവാതെ ഉയർന്നു ചാടുന്ന കാലിസിൻറെ നിശ്ചല ദൃശ്യം ഇന്ത്യൻ പേസ്​ ബൗളിംഗിലെ വരും തലമുറകൾക്കും ഉത്തേജനം നൽകും. കാലിസിനു പുറമേ സ്​മിത്ത്​, അംല എന്നീ നിർണായക വിക്കറ്റുകൾ കൂടി നേടിയ ശ്രീശാന്തിൻറെ മികവിൽ ഡർബൻ ടെസ്​റ്റ്​ ഇന്ത്യ സ്വന്തമാക്കി.

കോടി സ്വപ്​നങ്ങൾ കൈയിലൊതുക്കിയ ക്യാച്ച്​

പാഴാക്കികളഞ്ഞ പെനൽറ്റികിക്കുകളുടെയും നേടിയ പെനൽറ്റി ഗോളിൻറെയും പേരിൽ ഒാർമിക്കപ്പെടുന്ന ഫുട്​ബോൾ താരങ്ങളെപ്പോലെ കൈവിട്ടുകളഞ്ഞ ക്യാച്ചുകളുടെയും കൈപിടിയിലൊതുക്കിയ ക്യാച്ചുകളുടേയും പേരിൽ ഒാർമിക്കപ്പെടുന്ന ക്രിക്കറ്റ്​ താരങ്ങളുമുണ്ട്​. ഒരുപക്ഷേ ശ്രീശാന്ത്​ ഏറ്റവുമധികം ഒാർമിക്ക​​പ്പെടുക പ്രഥമ ട്വൻറി 20 ലോകക്കപ്പിൽ ​ഇന്ത്യക്ക്​ കിരീടം നേടിക്കൊടുത്ത ക്യാച്ചിൻറെ പേരിലാകും. സാ​േങ്കിതകമായി അനായാസ ക്യാച്ചെങ്കിലും അതിന്​​ കോടി സ്വപ്​നങ്ങളുടെ തിളക്കമുണ്ടായിരുന്നു. ലോകക്കപ്പ് മത്​സരത്തിൻ​റെ ​ഫൈനലിൽ അതും പാക്കിസ്​താനെതിരെ അവസാനഒാവർ വരെ നീണ്ട മത്​സരത്തിൽ കിരീടത്തിലെത്തിക്കുന്ന ക്യാച്ചിനുടമായാകുക എന്നതിലും വലിയ ഭാഗ്യം ഒരു ഇന്ത്യൻ ക്രിക്കറ്റർക്ക്​ മറ്റെന്തുണ്ട്​​?.​

ജയിക്കാൻ നാലു പന്തിൽ ആറ്​ റൺസ്​ മാത്രം ബാക്കിയിരിക്കേ മിസ്​ബാഹ്​ വിജയത്തിലേക്ക്​ ഉയർത്തിയടിച്ച പന്ത്​ കാണികളുടെ ദീർഘ നിശ്വാസങ്ങൾക്കൊപ്പം ഉൗർന്നിറങ്ങിയത്​ ഫൈൻലെഗിൽ ഫീൽഡ്​ ചെയ്​ത ശ്രീശാന്തി​​​​െൻറ കൈകളിലേക്കായിരുന്നു. ലോകത്തിൻറെ ഏത്​ കോണിലും മലയാളിയുണ്ടാകുമെന്ന സത്യം മിസ്​ബാഹിനറിയില്ലല്ലോ എന്നായിരുന്നു അന്ന്​ എസ്​.എം.എസുകളിലൂടെ ഒഴുകിയ ചൂടൻ തമാശ.

സൈമൻഡ്​സിൻറെ വിക്കറ്റ്​ കിട്ടിയ ശ്രീശാന്ത്​

''ഒരുമാതിരി സൈമൻഡ്​സിൻറെ വിക്കറ്റ്​ കിട്ടിയ ശ്രീശാന്തി​നെപ്പോലെ ഞാനെന്തൊക്കെയോ ചെയ്​തു''. തട്ടത്തിൻ മറയത്ത്​ സിനിമയിൽ നിവിൻപോളി അവതരിപ്പിച്ച കേന്ദ്രകഥാപാത്രം വിനോദ്​ അയിഷയെ സ്വന്തമാക്കിയ ശേഷം പറയുന്ന ഡയലോഗാണിത്​. സൈമൻഡ്സിൻറെ വിക്കറ്റ്​ കിട്ടിയ ശ്രീശാന്ത്​ ഏറെക്കാലം മലയാളികളുടെ സംസാരവിഷയമായിരുന്നു. ശ്രീശാന്ത്​ -സൈമണ്ട്​സ്​ പോര്​ മൂർധന്യത്തിലെത്തിയത്​ 2007ലെ ഇന്ത്യ-ഒാസ്​ട്രേലിയ കൊച്ചി ഏകദിനത്തിലായിരുന്നു. 47ാം ഒാവറിൽ സൈമണ്ട്​സിനെ തന്ത്രപരമായ സ്ലോബാളിലൂടെ റി​േട്ടൺ ക്യാച്ചെടുത്ത്​ മടക്കിയ ശ്രീശാന്ത്​ പന്ത്​ വായുവിൽ ഉയർത്തിയെറിഞ്ഞു. ശേഷം സൈമൻഡ്​സിനടു​െത്തത്തി പ്രകോപനരീതിയിൽ ആഹ്​ളാദ പ്രകടനം നടത്തി. ഒടുവിൽ ദ്രാവിഡ്​ എത്തി ശ്രീശാന്തിനെ പിന്തിരിപ്പിക്കുകയായിരുന്നു. ഇന്ത്യ പരാജയപ്പെട്ട കൊച്ചി ഏകദിനം ഒാർമിക്ക​െപ്പടുന്നത്​ നാട്ടുകാർക്ക്​മുന്നിൽ നടത്തിയ ശ്രീശാന്തി​​​​െൻറ 'കലാ​പ്രകടനത്തിലൂടെയാണ്​'.

കളിയല്ല..ഇത്​ കയ്യാങ്കളി

2008ലെ പ്രഥമ ​െഎപിഎൽ ടൂർണമ​​​െൻറിനിടെ ഹർഭജൻറെ അടിയേറ്റ്​ ​കൊച്ചുകുഞ്ഞിനെപ്പോലെ പൊട്ടിക്കരഞ്ഞ ശ്രീശാന്ത്​ മലയാളികളുടെ അടക്കം കടുത്ത പരിഹാസത്തിന്​ വിധേയനായി. സംഭവത്തിൽ ഹർഭജൻ പിന്നീട്​ മാപ്പുപറഞ്ഞു. സംഭവത്തിനു പിന്നിലുള്ള യാഥാർഥ്യം ഇനിയും പുറത്ത്​ വന്നിട്ടില്ല. താൻ ശ്രീശാന്തിനെ തല്ലിയില്ലെന്നും അത് കള്ളക്കരച്ചിലാണെന്ന രീതിയിലും അതല്ല മറിച്ച്​​ കൃത്യമായ ആസൂത്രണം ചെയ്​തതാണെന്നുമുള്ള രീതിയിലും വാർത്തകൾ വന്നു. സംഭവത്തിൻറെ ഒറിജിനൽ വീഡിയോ ഒരിക്കൽ താൻ പുറത്ത്​ വിടുമെന്ന്​ മു​െമ്പാരിക്കൽ വാർത്താസമ്മേളനത്തിനിടെ അന്നത്തെ ​​െഎ.പി.എൽ ചെയർമാൻ ലളിത് ​മോഡി പറഞ്ഞിരുന്നു.