പെർത്ത്: ദക്ഷിണാഫ്രിക്കക്കെതിരായ ട്വന്റി 20 പോരാട്ടത്തിൽ പുതിയ നാഴികക്കല്ല് പിന്നിട്ട് ഇന്ത്യൻ ക്യാപ്റ്റൻ രോഹിത് ശർമ. ട്വന്റി 20 ലോകകപ്പിൽ ഏറ്റവും കൂടുതൽ മത്സരങ്ങൾ കളിച്ച താരമെന്ന നേട്ടമാണ് ഹിറ്റ്മാൻ സ്വന്തമാക്കിയത്. 36 മത്സരങ്ങളിലാണ് താരം ഇന്ത്യക്കായി ഇറങ്ങിയത്. ശ്രീലങ്കൻ താരം തിലകരത്ന ദിൽഷനെയാണ് രോഹിത് മറികടന്നത്. 2007ലെ ആദ്യ ട്വന്റി 20 ലോകകപ്പ് മുതൽ ഇന്ത്യക്കായി പാഡണിയുന്ന താരം ഇതുവരെയുള്ള എട്ട് ലോകകപ്പിലും രാജ്യത്തിനായി കളിച്ചു. ക്യാപ്റ്റനായി ആദ്യത്തെ ലോകകപ്പാണിത്.
ക്യാപ്റ്റന് അഭിനന്ദനങ്ങൾ നേർന്ന് ബി.സി.സി.ഐ ട്വീറ്റ് ചെയ്തു. മത്സരത്തിൽ ഒരു സിക്സും ഫോറും സഹിതം 15 റൺസെടുത്ത രോഹിതിനെ ലുംഗി എൻഡിഗി സ്വന്തം പന്തിൽ പിടിച്ച് പുറത്താക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.