വിരാട് കോഹ്ലിയും രോഹിത് ശർമയും നയിക്കുന്ന ഇന്ത്യയുടെ ഇപ്പോഴത്തെ ബാറ്റിങ് നിരയെ ഏറ്റവും മികച്ചതെന്ന് വിശേഷിപ്പിക്കാൻ കഴയില്ലെന്ന് അഭിപ്രായപ്പെട്ട് ആസ്ട്രേലിയൻ സ്പിൻ ഇതിഹാസം ഷെയിൻ വോൺ. താൻ പന്തെറിഞ്ഞ ഇന്ത്യയുടെ മുൻ ബാറ്റിങ് സൂപ്പർതാരങ്ങളായ വീരേന്ദർ സെവാഗ്, രാഹുൽ ദ്രാവിഡ്, സചിൻ ടെണ്ടുൽക്കർ, സൗരവ് ഗാംഗുലി, വി.വി.എസ് ലക്ഷ്മൺ എന്നിവരുടെ ഏഴയലത്ത് ഇപ്പോഴത്തെ ബാറ്റിങ് ലൈനപ്പ് വരില്ലെന്നും അദ്ദേഹം പറഞ്ഞു.
ലോകത്തിലെ ഏറ്റവും മികച്ച ബാറ്റ്സ്മാൻമാരിൽ ഒരാളായി വിരാട് കോഹ്ലിയെ എടുത്തു പറഞ്ഞ വോൺ, പക്ഷെ പഴയ ഇന്ത്യൻ ടീമിനെ തന്നെയാണ് ഇന്ത്യയുടെ എക്കാലത്തേയും മികച്ച ബാറ്റിങ് ശക്തികേന്ദ്രമായി കണക്കാക്കുന്നത്.
എക്കാലത്തേയും മികച്ച ഇന്ത്യൻ നിരയെന്ന് നിരന്തരം പറയപ്പെടുന്ന വിരാട് കോഹ്ലിയുടെ ടീം ഏത് സാഹചര്യത്തിലും സ്ഥിരമായി ടെസ്റ്റുകൾ ജയിക്കാൻ ബൗളിങ് മികവിനെയാണ് ആശ്രയിക്കുന്നതെന്നും വോൺ വ്യക്തമാക്കി. എങ്കിലും 2020 മുതൽ 25.4 ബാറ്റിംഗ് ശരാശരിയുള്ള ഇന്ത്യൻ ടീമിലെ ഇപ്പോഴത്തെ ബാറ്റ്സ്മാൻമാർ മികച്ച പ്രകടനമാണ് കാഴ്ച്ചവെക്കുന്നതെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.