കിവികൾക്ക് കാൽനൂറ്റാണ്ടിന്റെ കാത്തിരിപ്പ്

ദു​ബൈ: ക​ന്നി ലോ​ക ടെ​സ്റ്റ് ചാ​മ്പ്യ​ൻ​ഷി​പ്പി​ലു​ൾ​പ്പെ​ടെ കി​രീ​ട​മ​ണി​ഞ്ഞ​വ​രാ​യി​ട്ടും 50 ഓ​വ​ർ ഫോ​ർ​മാ​റ്റി​ൽ കി​രീ​ടം ന്യൂ​സി​ല​ൻ​ഡി​നെ തേ​ടി​യെ​ത്തി​യി​ട്ട് കാ​ൽ​നൂ​റ്റാ​ണ്ടാ​യി. കെ​നി​യ​യി​ൽ ന​ട​ന്ന ഐ.​സി.​സി നോ​ക്കൗ​ട്ട്സ് ട്രോ​ഫി നേ​ടി​യ​താ​ണ് ടീം ​പി​ടി​ച്ച അ​വ​സാ​ന കി​രീ​ടം. 2000ത്തി​ൽ ഇ​ന്ത്യ​യെ നാ​ലു വി​ക്ക​റ്റി​ന് ക​ട​ന്നാ​യി​രു​ന്നു അ​ത്. മ​റു​വ​ശ​ത്ത്, 2013ൽ ​സ്വ​ന്ത​മാ​ക്കി​യ ചാ​മ്പ്യ​ൻ​സ് ട്രോ​ഫി ഒ​രി​ക്ക​ലൂ​ടെ നാ​ട്ടി​ലെ​ത്തി​ക്കാ​നാ​ണ് ഇ​ന്ത്യ​യി​റ​ങ്ങു​ന്ന​ത്. ഞാ​യ​റാ​ഴ്ച​യാ​ണ് ലോ​കം കാ​ത്തി​രി​ക്കു​ന്ന ക​ലാ​ശ​പ്പോ​ര്.

ബാ​റ്റി​ങ്ങി​ലും ബൗ​ളി​ങ്ങി​ലും തു​ല്യ ശ​ക്തി കാ​ട്ടു​ന്ന​വ​രാ​ണ് കി​വി​ക​ൾ. സെ​മി​യി​ൽ ഇ​ന്ത്യ​ൻ വേ​രു​ക​ളു​ള്ള ര​ചി​ൻ ര​വീ​ന്ദ്ര​യും പി​റ​കെ കെ​യി​ൻ വി​ല്യം​സ​ണും സെ​ഞ്ച്വ​റി​യ​ടി​ച്ച​പ്പോ​ൾ ക​രു​ത്ത​രാ​യ ദ​ക്ഷി​ണാ​ഫ്രി​ക്ക നേ​ര​ത്തേ വീ​ണു. വി​ല്യം​സ​ൺ ഇ​ന്ത്യ​ക്കെ​തി​രെ ക​ളി​ച്ച അ​വ​സാ​ന മ​ത്സ​ര​ത്തി​ൽ 81 റ​ൺ നേ​ടി​യി​രു​ന്നു. ലോ​ക ക്രി​ക്ക​റ്റി​ലെ ഇ​ള​മു​റ​ക്കാ​രി​ൽ പ്ര​മു​ഖ​നാ​യ ര​ചി​ൻ ര​വീ​ന്ദ്ര​യും ന്യൂ​സി​ല​ൻ​ഡി​ന്റെ വ​ലി​യ പ്ര​തീ​ക്ഷ​യാ​ണ്.

അ​വ​സാ​ന സെ​മി​യി​ൽ ക​ളി​യി​ലെ താ​ര​മാ​യി മാ​റി​യ ര​വീ​ന്ദ്ര 2023ലെ ​ലോ​ക​ക​പ്പി​ൽ അ​ര​​ങ്ങേ​റി മൂ​ന്ന് സെ​ഞ്ച്വ​റി​ക​ളു​മാ​യി അ​ത്ഭു​ത​പ്പെ​ടു​ത്തി​യ പ്ര​തി​ഭ​യാ​ണ്. ഐ.​സി.​സി ടൂ​ർ​ണ​മെ​ന്റു​ക​ളി​ൽ ഇ​തി​ന​കം താ​രം അ​ഞ്ച് ശ​ത​ക​ങ്ങ​ൾ പൂ​ർ​ത്തി​യാ​ക്കി ക​ഴി​ഞ്ഞു. ടീ​മി​ന്റെ ബൗ​ളി​ങ് കു​ന്ത​മു​ന​യാ​യ മാ​റ്റ് ​ഹെ​ന്റി പ​രി​ക്കു​മൂ​ലം നാ​ളെ ഇ​റ​ങ്ങു​മോ​യെ​ന്ന ആ​ധി കി​വി​ക​ളെ അ​ല​ട്ടു​ന്നു​ണ്ട്.

മ​റു​വ​ശ​ത്ത്, നാ​ല് സ്പി​ന്ന​ർ​മാ​രു​മാ​യാ​ണ് ഇ​ന്ത്യ ഇ​റ​ങ്ങു​ന്ന​ത്. പാ​കി​സ്താ​നെ​തി​രെ അ​നാ​യാ​സ ജ​യം പി​ടി​ക്കാ​നാ​യ​ത് സ്പി​ൻ ക​രു​ത്തി​ലാ​യ​തി​നാ​ൽ ഇ​ത്ത​വ​ണ​യും സ​മാ​ന നേ​ട്ടം ആ​വ​ർ​ത്തി​ക്കാ​നാ​കു​മെ​ന്ന് ടീം ​ക​രു​തു​ന്നു. അ​പ്ര​തീ​ക്ഷി​ത വി​രു​ന്നു​കാ​ര​നാ​യെ​ത്തി ടീ​മി​ലെ ഒ​ഴി​ച്ചു​കൂ​ടാ​നാ​വാ​ത്ത സാ​ന്നി​ധ്യ​മാ​യി മാ​റി​യ വ​രു​ൺ ച​ക്ര​വ​ർ​ത്തി​ത​ന്നെ നാ​ൽ​വ​ർ സം​ഘ​ത്തി​ലെ തു​രു​റു​പ്പു​ശീ​ട്ട്. സ്പി​ന്നും പേ​സും സ​മം ചേ​ർ​ത്ത് മാ​റി​മാ​റി​യു​ള്ള വ​രു​ണി​ന്റെ പ​ന്തു​ക​ൾ ആ​രെ​യും വ​ഴി​തെ​റ്റി​ക്കാ​ൻ പോ​ന്ന​താ​ണ്. ഇ​തി​ന​കം ഏ​ഴു വി​ക്ക​റ്റു​ക​ളു​മാ​യി ടീ​മി​ലെ വ​ലി​യ സാ​ന്നി​ധ്യ​മാ​യി മാ​റി​യ വ​രു​ണി​ന് മു​ന്നി​ൽ ഒ​രു വി​ക്ക​റ്റ് അ​ധി​കം നേ​ടി​യ മു​ഹ​മ്മ​ദ് ഷ​മി മാ​ത്ര​മാ​ണു​ള്ള​ത്.

ഗ്രൂ​പ് ഘ​ട്ട​ത്തി​ൽ ഇ​ന്ത്യ​യും ന്യൂ​സി​ല​ൻ​ഡും മു​ഖാ​മു​ഖം വ​ന്ന​പ്പോ​ൾ 44 റ​ൺ​സി​ന് ജ​യം ഇ​ന്ത്യ​ക്കൊ​പ്പ​മാ​യി​രു​ന്നു. തോ​റ്റ ക​ളി​യി​ൽ ന്യൂ​സി​ല​ൻ​ഡി​നാ​യി പ​ന്തു​കൊ​ണ്ട് തി​ള​ങ്ങി​യ മാ​റ്റ് ഹെ​ന്റി തി​രി​ച്ചെ​ത്തി​യി​ല്ലെ​ങ്കി​ൽ ഇ​ന്ത്യ​ക്ക് ആ​നു​കൂ​ല്യം ഇ​ര​ട്ടി​യാ​കും. അ​തേ​സ​മ​യം, മി​ച്ച​ൽ സാ​ന്റ​ന​റ​ട​ക്കം കി​വി​ക​ളു​ടെ ബൗ​ളി​ങ് നി​ര മി​ക​ച്ച​താ​ണ്.