ചെന്നൈ: ഐ.പി.എല്ലിൽ ഏഴാം ജയവുമായി ചെന്നൈ സൂപ്പർ കിങ്സ് പ്ലേഓഫിനരികെ. ഡൽഹി കാപിറ്റൽസിനെ 27 റൺസിനാണ് തോൽപിച്ചത്. ടോസ് നേടി ബാറ്റിങ്ങിനിറങ്ങിയ ആതിഥേയർ 20 ഓവറിൽ എട്ടു വിക്കറ്റ് നഷ്ടത്തിൽ 167 റൺസെടുത്തു. ഡൽഹിയുടെ മറുപടി 20 ഓവറിൽ എട്ടിന് 140ൽ ഒതുങ്ങി.
ചെന്നൈക്കുവേണ്ടി മതീഷ പതിരാന മൂന്നും ദീപക് ചഹാർ രണ്ടും വിക്കറ്റ് വീഴ്ത്തി. നാല് ഓവറിൽ 19 റൺസ് മാത്രം വഴങ്ങി ഒരു വിക്കറ്റെടുത്ത രവീന്ദ്ര ജദേജയും ബൗളിങ്ങിൽ മിന്നി. 12 പന്തിൽ 25 റൺസടിച്ച ശിവം ദുബെയാണ് ചെന്നൈയുടെ ടോപ് സ്കോറർ. ഓപണർ ഋതുരാജ് ഗെയ്ക് വാദ് (18 പന്തിൽ 24) അജിൻക്യ രഹാനെ (20 പന്തിൽ 21 റൺസ്), അമ്പാട്ടി റായുഡു (17 പന്തിൽ 23), രവീന്ദ്ര ജദേജ (16 പന്തിൽ 21 റൺസ്) എന്നിവരും ഒമ്പതു പന്തിൽ 20 റൺസടിച്ച ക്യാപ്റ്റൻ എം.എസ്. ധോണിയും ചേർന്നാണ് 160 കടത്തിയത്.
മിച്ചൽ മാർഷ് മൂന്നു വിക്കറ്റ് വീഴ്ത്തി. 35 റൺസെടുത്ത റിലീ റോസൂവാണ് ഡൽഹി ബാറ്റർമാരിൽ മുന്നിൽ. 11ൽ ഏഴും തോറ്റ ഇവരുടെ പ്ലേഓഫ് പ്രതീക്ഷകൾ അസ്തമിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.