കണ്ണീർ പരേഡ്; കായിക ഇന്ത്യയുടെ ചരിത്രത്തിൽ കേട്ടുകേൾവിയില്ലാത്ത സംഭവം

ബംഗളൂരു: കാ​യി​ക ഇ​ന്ത്യ​യു​ടെ ച​രി​ത്ര​ത്തി​ൽ കേ​ട്ടു​കേ​ൾ​വി​യി​ല്ലാ​ത്ത സം​ഭ​വ​മാ​ണ് ബു​ധ​നാ​ഴ്ച ബം​ഗ​ളൂ​രു​വി​ലു​ണ്ടാ​യ​ത്. റോ​യ​ൽ ച​ല​ഞ്ചേ​ഴ്സ് ബം​ഗ​ളൂ​രു​വി​ന്റെ ഇ​ന്ത്യ​ൻ പ്രീ​മി​യ​ർ ലീ​ഗ് ജേ​താ​ക്ക​ളാ​യ​ത് ആ​ഘോ​ഷി​ക്കാ​ൻ ചി​ന്ന​സ്വാ​മി സ്റ്റേ​ഡി​യ​ത്തി​ലേ​ക്കു​വ​ന്ന നി​യ​ന്ത്ര​ണാ​തീ​ത ആ​രാ​ധ​ക​ക്കൂ​ട്ട​ത്തി​നി​ട​യി​ലു​ണ്ടാ​യ ദു​ര​ന്തം ഉ​ദ്യാ​ന​ന​ഗ​ര​ത്തി​ൽ ക​ണ്ണീ​ർ വീ​ഴ്ത്തി. ആ​ർ.​സി.​ബി​യു​ടെ സ്വ​പ്ന​കി​രീ​ട​നേ​ട്ട​ത്തി​ൽ ആ​ഹ്ലാ​ദി​ച്ച​വ​ർ പ​രി​ഭ്രാ​ന്ത​രാ​യി ജീ​വ​നും​കൊ​ണ്ട് ഓ​ടു​ന്ന ദ​യ​നീ​യ കാ​ഴ്ച. വി​ക്ട​റി പ​രേ​ഡ് റ​ദ്ദാ​ക്കി​യെ​ങ്കി​ലും ചി​ന്ന​സ്വാ​മി സ്റ്റേ​ഡി‍യ​ത്തി​ലെ ആ​ഘോ​ഷ പ​രി​പാ​ടി​ക​ൾ മാ​റ്റി​വെ​ച്ചി​ല്ല. പ​ക്ഷേ, നേ​ര​ത്തേ അ​വ​സാ​നി​പ്പി​ച്ചു.

രാ​വി​ലെ 10നു ​ശേ​ഷം അ​ഹ്മ​ദാ​ബാ​ദ് വി​മാ​ന​ത്താ​വ​ള​ത്തി​ൽ​നി​ന്നാ​ണ് ര​ജ​ത് പാ​ട്ടി​ദാ​റും സം​ഘ​വും ബം​ഗ​ളൂ​രു​വി​ലേ​ക്ക് തി​രി​ച്ച​ത്. ഉ​ച്ച​ക്ക് ഒ​ന്ന​ര​യോ​ടെ ഇ​വ​ർ ക​പ്പു​മാ​യി എ​ച്ച്.​എ.​എ​ൽ വി​മാ​ന​ത്താ​വ​ള​ത്തി​ൽ പ​റ​ന്നി​റ​ങ്ങി. ഉ​പ​മു​ഖ്യ​മ​ന്ത്രി ഡി.​കെ ശി​വ​കു​മാ​റി​ന്റെ നേ​തൃ​ത്വ​ത്തി​ൽ സ്വീ​ക​രി​ച്ചു. വൈ​കീ​ട്ട് മൂ​ന്ന​ര മു​ത​ൽ ആ​റ​ര വ​രെ​യാ​ണ് വി​ധാ​ൻ സൗ​ധ​യി​ൽ​നി​ന്ന് ചി​ന്ന​സ്വാ​മി സ്റ്റേ​ഡി​യ​ത്തി​ലേ​ക്ക് വി​ക്ട​റി പ​രേ​ഡ് നി​ശ്ച​യി​ച്ചി​രു​ന്ന​ത്. ഉ​ച്ച​യോ​ടെ​ത​ന്നെ സ്റ്റേ​ഡി​യ​വും പ​രി​സ​ര​വും തി​ര​ക്കി​ല​മ​ർ​ന്നി​രു​ന്നു. വി​ധാ​ൻ സൗ​ധ​യി​ലെ​ത്തി ഗ​വ​ർ​ണ​ർ ത​വാ​ർ ച​ന്ദ് ഗെ​ഹ് ലോ​ട്ട്, മു​ഖ്യ​മ​ന്ത്രി സി​ദ്ധ​രാ​മ​യ്യ, ഉ​പ​മു​ഖ്യ​മ​ന്ത്രി ശി​വ​കു​മാ​ർ എ​ന്നി​വ​രെ സ​ന്ദ​ർ​ശി​ച്ച താ​ര​ങ്ങ​ൾ ഫോ​ട്ടോ​ക്ക് പോ​സ് ചെ​യ്തു.

കി​രീ​ട​വു​മാ​യി തു​റ​ന്ന വാ​ഹ​ന​ത്തി​ലെ​ത്തു​ന്ന താ​ര​ങ്ങ​ളെ കാ​ത്ത് റോ​ഡ​രി​കി​ലും കെ​ട്ടി​ട​ങ്ങ​ൾ​ക്കു മു​ക​ളി​ലും ത​ടി​ച്ചു​കൂ​ടി​യ​വ​ർ നി​രാ​ശ​രാ​യി. ടീം ​ബ​സി​ലെ​ത്തി​യ താ​ര​ങ്ങ​ൾ കി​രീ​ടം സ്റ്റേ​ഡി​യ​ത്തി​ന​ക​ത്ത് ആ​ർ​ത്തി​ര​മ്പി​യ ആ​രാ​ധ​ക​ർ​ക്ക് പ്ര​ദ​ർ​ശി​പ്പി​ച്ചു. അ​തി​നു മു​മ്പ് സൂ​പ്പ​ർ താ​രം വി​രാ​ട് കോ​ഹ്‌​ലി​യും നാ​യ​ക​ൻ പാ​ട്ടി​ദാ​റു​മെ​ല്ലാം ആ​രാ​ധ​ക​രെ അ​ഭി​സം​ബോ​ധ​ന ചെ​യ്തു. ‘‘എ​നി​ക്ക് അ​ധി​കം സ​മ​യ​മി​ല്ല. ന​മു​ക്ക് ഇ​ത് അ​വ​സാ​നി​പ്പി​ച്ച് ട്രോ​ഫി കാ​ണി​ക്ക​ണം. അ​തു​കൊ​ണ്ട് ദ​യ​വാ​യി എ​ന്നെ സം​സാ​രി​ക്കാ​ൻ അ​നു​വ​ദി​ക്കൂ. ട്രോ​ഫി നേ​ടി​യ ശേ​ഷം ന​മ്മു​ടെ ക്യാ​പ്റ്റ​ൻ പ​റ​ഞ്ഞ​ത് ആ​വ​ർ​ത്തി​ച്ചു​കൊ​ണ്ട് ഞാ​ൻ ആ​രം​ഭി​ക്കാം. ഈ ​വ​ർ​ഷം ക​പ്പ് ന​മു​ക്ക് (ഈ ​സാ​ല ക​പ്പ് നം​ദേ), എ​ന്ന​ല്ല, ഈ ​വ​ർ​ഷം ക​പ്പ് ന​മ്മു​ടേ​താ​യി (ഈ ​സാ​ല ക​പ്പ് നം​ദു)’’-​കോ​ഹ്‌​ലി​യു​ടെ വാ​ക്കു​ക​ൾ.

പ്രധാന വിജയാഘോഷ ദുരന്തങ്ങൾ

• ഘാനയിലെ അക്ര സ്റ്റേഡിയം (2001)

ഹേർട്ട് ഓഫ് ഒയാക് x അസാന്റെ ​കൊട്ടോകോ ഫുട്ബാൾ മത്സരം

ഹേർട്ട് ഓഫ് ഒയാക് വിജയിച്ച ശേഷം ആഘോഷം നടക്കുമ്പോൾ പൊലീസ് കണ്ണീർ വാതകം പ്രയോഗിച്ചു, തിക്കിലും തിരക്കിലും 126 പേർ മരിച്ചു

•  ഈജിപ്തിലെ പോർട്ട് സെഡ് സ്റ്റേഡിയം (2012)

ഈ​ജിപ്ഷ്യൻ പ്രീമിയർ ലീഗ് ഫുട്ബാളിൽ അൽ അഹ്‍ലി ക്ലബിനെ 3-1ന് കീഴടക്കിയ അൽ മസ്റി ക്ലബിന്റെ ആരാധാകരുടെ വിജയാഘോഷം അതിരുകടന്നു. തിരക്കിൽ 74 പേർ മരിച്ചു, 500ലേറെ പേർക്ക് പരിക്ക്

• അർജന്റീനയിലെ ബ്യൂനസ് ഐറിസ് (2008)

അർജന്റീന ലീഗ് ഫുട്ബാളിൽ ബൊക്ക ജൂനിയേഴ്സിന്റെ വിജയാഘോഷത്തിനിടെ ബസിന് മുകളിൽനിന്ന് വീണ് രണ്ടുപേർ മരിച്ചു

• ഫിലിപ്പീൻസിലെ മനില (1991)

സർവകലാശാല ബാസ്കറ്റ്ബാൾ കിരീടം നേടിയ കോളജിന്റെ വിജയാഘോഷത്തിനിടെ ആരോ ‘ബോംബ്’ എന്ന് വിളിച്ചുപറഞ്ഞപ്പോൾ തിരക്കിൽ പെട്ട് ഏഴ് വിദ്യാർഥികൾ മരിച്ചു

•  സെനഗലിലെ ഡെംബ ഡിയോപ് സ്റ്റേഡിയം (2017)

ലീഗ് കപ്പ് കിരീടം നേടിയ ഊവാകം എഫ്.സിയുടെ വിജയാഘോഷത്തിനിടെ മതിൽ തകർന്ന് എട്ടുപേർ മരിച്ചു

• അമേരിക്കയി​ലെ കാൻസാസ് സിറ്റി (2024)

അമേരിക്കൻ ഫുട്ബാൾ ലീഗിൽ (സൂപ്പർ ബൗൾ) കാൻസാസ് സിറ്റി ചീഫ് ക്ലബിന്റെ വിജയാഘോഷത്തിനിടെ ​വെടിയുതിർത്ത് ഒരാൾ മരിക്കുകയും 22 പേർക്ക് പരിക്കേൽക്കുകയും ചെയ്തു.