പാരിസ്: ഫ്രഞ്ച് ഓപൺ സൂപ്പർ 750 ബാഡ്മിന്റൺ ടൂർണമെന്റിൽ ഇന്ത്യയുടെ സാത്വിക് സായിരാജ് രങ്കിറെഡ്ഡി-ചിരാഗ് ഷെട്ടി സഖ്യം പുരുഷ ഡബ്ൾസ് ഫൈനലിൽ പ്രവേശിച്ചു. സെമി ഫൈനലിൽ ദക്ഷിണ കൊറിയയുടെ സിയോ സിയൂങ് ജേ-കാങ് മിൻ ഹ്യൂക് ജോടിയെ നേരിട്ടുള്ള ഗെയിമുകൾക്കാണ് ലോക ഒന്നാം നമ്പറുകാർ തോൽപിച്ചത്. സ്കോർ: 21-13, 21-16.
ഞായറാഴ്ചത്തെ ഫൈനലിൽ ഇവർ ചൈനീസ് തായ്പേയിയുടെ ലീ ജെ ഹ്യൂ-യാങ് പോ സുവാൻ സഖ്യത്തെ നേരിടും. അതേസമയം, ഇന്ത്യയുടെ മറ്റൊരു പ്രതീക്ഷയായിരുന്ന ലക്ഷ്യ സെൻ പുരുഷ സിംഗ്ൾസ് സെമിയിൽ വീണു. ലോക ചാമ്പ്യൻ തായ്‍ലൻഡിന്റെ കുൻലാവുത് വിദിഡ്സരൺ 20-22, 21-13, 21-11 സ്കോറിനാണ് ലക്ഷ്യയെ തോൽപിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.