മൊഹാലി: മലേഷ്യൻ ഓപൺ സൂപ്പർ 1000 ബാഡ്മിന്റൺ ടൂർണമെന്റിൽ ഇന്ത്യയുടെ സാത്വിക് സായ് രാജ്-ചിരാഗ് ഷെട്ടി സഖ്യം ക്വാർട്ടർ ഫൈനലിൽ. അതേസമയം, സിംഗിൾസ് രണ്ടാം റൗണ്ടിൽ കിഡംബി ശ്രീകാന്ത് തോറ്റ് പുറത്തായി.
2023ൽ ആറ് കിരീടങ്ങളുമായി സ്വപ്നക്കുതിപ്പ് നടത്തിയ ലോക രണ്ടാം നമ്പർ സഖ്യമായ സാത്വികും ചിരാഗും ലോക 36ാം റാങ്കുകാരായ ഫ്രാൻസിന്റെ ലുകാസ് കോർവി-റോനൻ ലബർ സഖ്യത്തെ 21-11, 21-18 എന്ന സ്കോറിനാണ് തകർത്തുവിട്ടത്. ക്വാർട്ടറിൽ ചൈനയുടെ ലോക 32ാം റാങ്കുകാരായ ഹെ ജി ടിങ്-റെൻ സിയാങ് ഹു സഖ്യമാണ് എതിരാളികൾ.
ഇന്ത്യയുടെ വനിത ഡബിൾസ് സഖ്യമായ അശ്വിനി പൊന്നപ്പ-തനിഷ ക്രാസ്റ്റൊ എന്നിവർ ജപ്പാന്റെ ഏഴാം സീഡ് സഖ്യമായ വകാന നഗാഹര-മയു മാറ്റ്സുമോട്ടോ ടീമിനെ 21-19, 13-21, 21-15 തോൽപിച്ച് പാരിസ് ഒളിമ്പിക്സ് യോഗ്യതക്കരികിലെത്തി. അതേസമയം, 21-13, 21-17 എന്ന സ്കോറിന് ഹോങ് കോങ്ങിന്റെ ലോങ് ആംഗസിനോടാണ് ശ്രീകാന്ത് പരാജയപ്പെട്ടത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.