ഇൻഡോനേഷ്യ ഓപൺ ലക്ഷ്യയെ വീഴ്ത്തി പ്രണോയ്

ജകാർത്ത: ഇൻഡോനേഷ്യ ഓപൺ ബാഡ്മിന്റൺ ടൂർണമന്റിൽ ലോക എട്ടാം നമ്പർ താരം ലക്ഷ്യ സെന്നിനെ തോൽപിച്ച് എച്ച്.എസ് പ്രണോയ്. പുരുഷ സിംഗ്ൾസിൽ ഇന്ത്യൻ താരങ്ങൾ തമ്മിൽ നടന്ന ഒന്നാം റൗണ്ട് പോരാട്ടത്തിൽ 21-10, 21-9നാണ് മലയാളിയായ പ്രണോയ് ജയിച്ചത്. ലക്ഷ്യക്കെതിരെ പ്രണോയിയുടെ ആദ്യ വിജയമാണ്. മറ്റൊരു മലയാളി എം.ആർ. അർജുനും ധ്രുവ് കപിലയും ചേർന്ന സഖ്യം ഡബ്ൾസിലും സിംഗ്ൾസിൽ സമീർ വർമയും രണ്ടാം റൗണ്ടിലെത്തിയപ്പോൾ കെ. ശ്രീകാന്തും പി.വി. സിന്ധുവും ഒന്നാം റൗണ്ടിൽ പുറത്തായി.