കെവിൻ 10 വർഷം മുമ്പ്​ പ്രവചിച്ചു-2020ൽ എല്ലാ രോഗങ്ങളും സുഖപ്പെടും; ഇത്ര കൃത്യമായി എങ്ങിനെ തെറ്റിക്കാനായെന്ന്​ നെറ്റിസൺസ്​

കോവിഡ്​ മഹാമാരിയെത്തുടർന്ന്​ ലോകം നിശ്ചലമായ 2020 കടന്ന്​ പോകുകയാണ്​. പത്ത്​ വർഷങ്ങൾക്ക് മുമ്പ്​​ 2020 എങ്ങനെയാകുമെന്ന ഒരു സ്​കൂൾ വിദ്യാർഥിയുടെ പ്രവചനം ആണിപ്പോൾ സമൂഹ മാധ്യമങ്ങളിൽ വൈറലാകുന്നത്​.

2020ൽ എല്ലാവരും സമാധാനത്തോടെ ജീവിക്കുമെന്നും മനുഷ്യരാശി എല്ലാ രോഗങ്ങളെയും സുഖപ്പെടുത്തുമെന്നുമാണ്​ കെവിൻ സിങ്​ എന്ന അഞ്ചാം ക്ലാസുകാരൻ 10 വർഷം മുമ്പ്​ പ്രവചിച്ചത്​. സ്​കൂൾ ഇയർ ബുക്കിലായിരുന്നു കെവിന്‍റെ പ്രവചനം​. എത്ര കൃത്യമായി ഇങ്ങനെ തെറ്റായി പ്രവചിക്കാനാകും എന്നാണ്​ ഇത്​ കണ്ട്​ നെറ്റിസൺസ്​ ചോദിക്കുന്നത്​.

70000ത്തിലേറെ ലൈക്കുകളാണ്​ ട്വിറ്ററിൽ പങ്കുവെച്ച പോസ്റ്റിന്​ ലഭിച്ചത്​. പ്രവചനത്തിലൂടെ ദൗർഭാഗ്യം കൊണ്ടുവന്നുവെന്ന്​ ചിലർ കെവിനെ കുറ്റപ്പെടുത്തുന്നുണ്ട്​. വൈറലായ പോസ്റ്റ്​ ഒടുവിൽ കെവിൻ കാണുകയും ക്ഷമ ചോദിക്കുകയും ചെയ്യുകയുണ്ടായി.