'കുടത്തിൽ കല്ലുകൾ പെറുക്കിയിട്ട്​ വെള്ളം കുടിക്കാൻ മാത്രമല്ല, ടാപ്പ്​ തുറന്ന്​ വെള്ളം കുടിക്കാനുമറിയാം'

ന്യൂഡൽഹി: കുടത്തിൽ കല്ലുകൾ പെറുക്കിയിട്ട്​ വെള്ളം കുടിക്കാൻ മാത്രമല്ല, ​ടാപ്പ്​ തുറന്ന്​ വെള്ളം കുടിക്കാൻ കൂടി അറിയാമെന്ന്​ കാണിച്ചുതരികയാണ്​ ദാഹിച്ചുവലഞ്ഞ ഒരു കാക്ക. ടാപ്പ്​ തുറന്ന്​ വെള്ളം കുടിക്കുന്ന കാക്കയാണ്​ ഇപ്പോൾ താരം.

ഇന്ത്യൻ ഫോറസ്റ്റ്​ സർവിസ്​ ഉദ്യോഗസ്​ഥനായ സുശാന്ത നന്ദയാണ്​ വിഡിയോ ട്വിറ്ററിൽ പങ്കുവെച്ചത്​. ദാഹിച്ചുവലഞ്ഞ കാക്ക വഴിയരികിൽ കാണുന്ന ടാപ്പ്​ ചുണ്ടുകൊണ്ട്​ തുറക്കുന്നതും​ വെള്ളം കുടിക്കുന്നതാണ്​ വിഡിയോ. 'വിദഗ്​ധനായ കാക്ക' എന്ന അടിക്കുറിപ്പോടെയാണ്​ വിഡിയോ പങ്കുവെച്ചിരിക്കുന്നത്​.

കുട്ടികാലത്ത്​ കാക്കയുടെ ബുദ്ധിയെക്കുറിച്ച്​ കേട്ട കഥകൾ പങ്കുവെച്ച്​ നിരവധി പേർ കമന്‍റുകളുമായെത്തി. ദാഹിച്ചുവലഞ്ഞെത്തിയ കാക്ക കുടത്തി​െന്‍റ അടിയിൽ വെള്ളം കാണുന്നതും കല്ലുകൾ പെറുക്കി കുടത്തിലിട്ട്​ വെള്ളം പൊങ്ങിവരു​േമ്പാൾ കുടിക്കുന്നതുമായ കഥ യാണ്​ പലരും പങ്കുവെച്ചത്​.