ന്യൂഡല്‍ഹി: ബി.ജെ.പി ദേശീയ അധ്യക്ഷൻ അമിത് ഷായുടെ നേതൃത്വത്തിൽ ഡൽഹിയിലെ സി.പി.എം ആസ്ഥാനമായ എ.കെ.ജി ഭവനിലേക്ക് മാര്‍ച്ച് നടത്തി.
മുഖ്യമന്ത്രിയുടെ നാട്ടിലാണ് കേരളത്തിൽ ഏറ്റവും കൂടുതൽ കൊലപാതകങ്ങൾ നടക്കുന്നതെന്ന് മാർച്ച് ഉദ്ഘാടനം ചെയ്ത് ബി.ജെ.പി അധ്യക്ഷൻ അമിത് ഷാ പറഞ്ഞു. പദയാത്ര ഉദ്ഘാടനം ചെയ്തുവെങ്കിലും പദയാത്രയിൽ അമിത് ഷാ പെങ്കടുത്തില്ല.
രാജശേഖരന്‍റെ ജനരക്ഷായാത്രക്ക് ഐകദാര്‍ഡ്യം പ്രഖ്യാപിച്ച് ബി.ജെ.പി ഡൽഹി ഘടകമാണ് മാര്‍ച്ച് സംഘടിപ്പിക്കുന്നത്. കൊണാട്ട്പ്ലേസിലെ സെൻട്രൽ പാര്‍ക്കിൽ നിന്ന് മാര്‍ച്ച് തുടങ്ങിയത്. കുമ്മനത്തിന്‍റെ പദയാത്ര കഴിയുന്ന ഈ മാസം 17വരെ എ.കെ.ജി ഭവനിലേക്ക് മാര്‍ച്ച് നടത്താനാണ് അമിത് ഷായുടെ ആഹ്വാനം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.