ഡോക്ടറും രോഗിയും ശത്രുക്കളല്ല; വിശ്വാസമാണ് പ്രധാനം

33 വ​ർ​ഷ​മാ​യി ഫി​സി​ഷ്യ​നാ​യി പ്രാ​ക്ടി​സ് ചെ​യ്യു​ന്ന ആ​ളാ​ണ് ഞാ​ൻ. രോ​ഗി​ക​ളോ​ട് ഏ​റ്റ​വും ന​ന്നാ​യി പെ​രു​മാ​റാ​ൻ ശ്ര​ദ്ധി​ക്കാ​റു​ണ്ട്, മ​റ്റു ഡോ​ക്ട​ർ സു​ഹൃ​ത്തു​ക്ക​ളോ​ട് അ​തു പാ​ലി​ക്ക​ണ​മെ​ന്ന് പ​റ​യാ​റു​മു​ണ്ട്. കു​റ​ഞ്ഞ ചെ​ല​വി​ൽ എ​ളു​പ്പ​ത്തി​ൽ ചി​കി​ത്സ ല​ഭി​ക്ക​ണം, അ​സു​ഖം വേ​ഗം മാ​റ​ണം, ക​ഴി​യു​ന്ന വേ​ഗ​ത്തി​ൽ ആ​ശു​പ​ത്രി വി​ട​ണം എ​ന്നെ​ല്ലാ​മാ​ണ് ഓ​രോ രോ​ഗി​യും അ​വ​രു​ടെ ബ​ന്ധു​ക്ക​ളും ആ​ഗ്ര​ഹി​ക്കു​ക. കു​ടും​ബ​വി​ഷ​യ​ങ്ങ​ൾ, സാ​മ്പ​ത്തി​ക​പ്ര​ശ്ന​ങ്ങ​ൾ, തൊ​ഴി​ലു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ൾ എ​ന്നി​വ​യെ​ല്ലാം ചേ​രു​ന്ന മാ​ന​സി​ക പി​രി​മു​റു​ക്ക​ത്തി​നി​ടെ​യാ​ണ് അ​വ​ർ രോ​ഗ​ബാ​ധി​ത​രാ​യി ഡോ​ക്ട​റു​ടെ അ​ടു​ത്ത് എ​ത്തു​ന്ന​ത്.

ചി​കി​ത്സ എ​ളു​പ്പ​മാ​വു​ന്ന​തി​ൽ ഒ​രു പ്ര​ധാ​ന ഘ​ട​കം രോ​ഗി​ക​ൾ​ക്ക് ഡോ​ക്ട​ർ​മാ​രി​ലു​ള്ള വി​ശ്വാ​സ​മാ​ണ്. വി​ശ്വാ​സ​മു​ള്ള ഡോ​ക്ട​റി​ൽ​നി​ന്ന് ചി​കി​ത്സ ല​ഭി​ക്കു​മ്പോ​ൾ രോ​ഗം വേ​ഗം സു​ഖ​പ്പെ​ടു​ന്ന​താ​യി കാ​ണാ​റു​ണ്ട്. ഡോ​ക്ട​ർ​മാ​ർ രോ​ഗി​യോ​ടോ ഒ​പ്പം എ​ത്തു​ന്ന​വ​രോ​ടോ രോ​ഗാ​വ​സ്ഥ​യെ​ക്കു​റി​ച്ചും ചി​കി​ത്സാ​രീ​തി​ക​ളെ​ക്കു​റി​ച്ചും എ​ല്ലാം തു​റ​ന്നു​പ​റ​യ​ണം. ഈ ​രോ​ഗ​ത്തി​ന് ഇ​ത്ത​രം ചി​കി​ത്സ​ക​ളാ​ണു​ള്ള​തെ​ന്ന് പ​റ​ഞ്ഞ് അ​തി​ൽ നി​ന്ന് തി​ര​ഞ്ഞെ​ടു​ക്കാ​ൻ അ​വ​ർ​ക്ക് അ​വ​സ​രം ന​ൽ​കു​ക. അ​ങ്ങ​നെ​യാ​യാ​ൽ രോ​ഗി-​ഡോ​ക്ട​ർ ബ​ന്ധം മി​ക​ച്ച​താ​ക്കാ​ൻ ക​ഴി​യും.

ഡോ​ക്ട​ർ​മാ​രും രോ​ഗി​ക​ളു​മാ​യി പ​ല​പ്പോ​ഴും സം​ഘ​ർ​ഷം ഉ​ണ്ടാ​കു​ന്ന​ത് ചി​കി​ത്സ​യി​ലെ പി​ഴ​വ്, മോ​ശ​മാ​യ പെ​രു​മാ​റ്റം എ​ന്നി​വ ആ​രോ​പി​ച്ചാ​ണ്. പ​ല​പ്പോ​ഴും അ​തി​ൽ ഡോ​ക്ട​ർ നി​ര​പ​രാ​ധി​യാ​വും. എ​ന്നാ​ൽ, കൊ​ട്ടാ​ര​ക്ക​ര​യി​ൽ ഒ​രു പ്ര​കോ​പ​ന​വു​മി​ല്ലാ​തെ ഡോ​ക്ട​റെ ആ​ക്ര​മി​ക്കു​ക​യാ​ണു​ണ്ടാ​യ​ത്.

അ​തി​നെ ഒ​രു ഒ​റ്റ​പ്പെ​ട്ട സം​ഭ​വ​മാ​യി കാ​ണാ​നാ​വി​ല്ല. ഒ​രാ​ളെ കൊ​ല​പ്പെ​ടു​ത്തു​ക എ​ന്ന​ത് ഒ​രി​ക്ക​ലും അം​ഗീ​ക​രി​ക്കാ​നു​മാ​വി​ല്ല. ഡോ​ക്ട​ർ​മാ​രും മ​നു​ഷ്യ​രാ​ണ്. രോ​ഗി​ക​ൾ​ക്കു​ള്ള​പോ​ലെ കു​ടും​ബ​പ​ര​വും തൊ​ഴി​ൽ​പ​ര​വു​മാ​യ വി​ഷ​യ​ങ്ങ​ൾ അ​വ​രെ​യും അ​ല​ട്ടു​ന്നു​ണ്ടാ​കും. ഒ​റ്റ​പ്പെ​ട്ട ചി​കി​ത്സാ​പ്പി​ഴ​വു​ക​ളെ പ​ർ​വ​തീ​ക​രി​ച്ചു കാ​ണി​ക്കു​ന്ന പ്ര​വ​ണ​ത​യാ​ണ് നി​ല​വി​ലു​ള്ള​ത്. അ​ഞ്ചു വ​ർ​ഷ​ത്തി​ലേ​റെ എം.​ബി.​ബി.​എ​സും സ്പെ​ഷാ​ലി​റ്റി​യും പ​ഠി​ച്ച ഒ​രു ഡോ​ക്ട​റും രോ​ഗി​യു​ടെ ജീ​വ​ൻ ന​ഷ്ട​പ്പെ​ടു​ന്ന​തി​ന് ഇ​ട​വ​രു​ത്തി​ല്ല. അ​ബ​ദ്ധം ആ​ർ​ക്കും പ​റ്റാം. ഉ​ത്ത​ര​വാ​ദി​ത്ത​രാ​ഹി​ത്യം​മൂ​ലം ഉ​ണ്ടാ​കു​ന്ന വീ​ഴ്ച​യു​ടെ തോ​ത് വ​ള​രെ നാ​മ​മാ​ത്ര​മാ​ണ്.

രോ​ഗി​ക്ക് ഡോ​ക്ട​റി​ലും ഡോ​ക്ട​ർ​ക്ക് രോ​ഗി​യി​ലും വി​ശ്വാ​സ​മു​ണ്ടാ​ക​ണം. പ​ര​സ്പ​ര വി​ശ്വാ​സം ചി​കി​ത്സ​യി​ൽ പ്ര​ധാ​ന​മാ​ണ്. രോ​ഗം പ​ല​ത​ര​ത്തി​ലാ​ണ്. ഇ​ന്ന് പ​നി​വ​ന്നി​ട്ട് നാ​ളെ മാ​റ്റി​ത്ത​ര​ണം എ​ന്നു പ​റ​ഞ്ഞാ​ൽ ന​ട​ക്കി​ല്ല. സ​മാ​ന​മാ​യ രോ​ഗം പ​ല​രി​ലും ഭേ​ദ​പ്പെ​ടാ​ൻ എ​ടു​ക്കു​ന്ന സ​മ​യം വ്യ​ത്യ​സ്ത​മാ​യി​രി​ക്കും. രോ​ഗി​യു​ടെ വി​ശ്വാ​സ്യ​ത ആ​ർ​ജി​ക്കേ​ണ്ട ചു​മ​ത​ല ഡോ​ക്ട​ർ​ക്കു​മു​ണ്ട്. ഡോ​ക്ട​ർ പ​റ​യു​ന്ന​ത് കേ​ട്ട് വി​ശ്വാ​സ​ത്തി​ലെ​ടു​ക്കാ​ൻ രോ​ഗി​യും ത​യാ​റാ​ക​ണം. ഇ​തി​ൽ മു​ൻ​ഗ​ണ​ന രോ​ഗി ഡോ​ക്ട​റെ വി​ശ്വാ​സ​ത്തി​ലെ​ടു​ക്കു​ന്ന​തി​നാ​യി​രി​ക്ക​ണം.

(ഇ​ന്ത്യ​ൻ മെ​ഡി​ക്ക​ൽ അ​സോ​സി​യേ​ഷ​ൻ കൊ​ച്ചി ബ്രാ​ഞ്ച് പ്ര​സി​ഡ​ന്റും എ​റ​ണാ​കു​ളം ല​ക്ഷ്മി ഹോ​സ്പി​റ്റ​ലി​ലെ സീ​നി​യ​ർക​ൺ​സ​ൽ​ട്ട​ന്റു​മാ​ണ് ലേഖകൻ