മണ്ണിനെ പുനരുജ്ജീവിപ്പിക്കുന്ന മേള –മന്ത്രി രവീന്ദ്രനാഥ്

കണ്ണൂർ: മണ്ണിനെ പുനരുജ്ജീവിപ്പിക്കുന്ന മേളയാണിതെന്ന് വിദ്യാഭ്യാസമന്ത്രി സി. രവീന്ദ്രനാഥ്. സംസ്ഥാന സ്കൂള്‍ കലോത്സവ ഉദ്ഘാടനച്ചടങ്ങില്‍ അധ്യക്ഷപ്രസംഗം നടത്തുകയായിരുന്നു അദ്ദേഹം. മണ്ണ് മരിച്ചുകൊണ്ടിരിക്കുന്നു. അതിന്‍െറ കാരണം മണ്ണില്‍ പ്ളാസ്റ്റിക് കടന്നുകൂടിയതാണ്. ഗ്രീന്‍ പ്രോട്ടോകോള്‍ പ്രകാരം ഈ മേള നടത്തുന്നത് മണ്ണിനെ പുനരുജ്ജീവിപ്പിക്കാനുള്ള തീരുമാനത്തിന്‍െറ ഭാഗമാണ്. ഏഷ്യയിലെ ഏറ്റവും വലിയ ഹരിതോത്സവമാണ് ഇപ്പോള്‍ നടക്കുന്നത്. ഇത് മത്സരമാണെന്ന സങ്കല്‍പംതന്നെ മാറണമെന്ന് മന്ത്രി പറഞ്ഞു.