കൊടുങ്ങല്ലൂര്: നിയോജകമണ്ഡലത്തിലെ വിവിധ പ്രദേശങ്ങളില് തദ്ദേശസ്വയംഭരണസ്ഥാപനങ്ങളുടെ അഭ്യര്ഥനയുടെ അടിസ്ഥാനത്തില് ഹൈമാസ്റ്റ് ലൈറ്റുകള് സ്ഥാപിക്കാന് പ്രദേശിക വികസന ഫണ്ടില് നിന്ന് 33 ലക്ഷം രൂപ അനുവദിച്ചതായി ടി.എന്. പ്രതാപന് എം.എല്.എ അറിയിച്ചു. കൊടുങ്ങല്ലൂര് നഗരസഭയിലെ ദേശീയപാത ബൈപാസിലെ ചന്തപ്പുര, കോട്ടപ്പുറം, മാള ബസ് സ്റ്റാന്ഡ്, അന്നമനട ജങ്ഷന്, കുഴൂര് പാറപ്പുറം, പൊയ്യ ജങ്ഷന്, പുത്തന്ചിറ മങ്കാടി, വെള്ളാങ്ങല്ലൂര് കോണത്തുകുന്ന് ജങ്ഷന് എന്നിവിടങ്ങളിലാണ് ഹൈമാസ്റ്റ് സ്ഥാപിക്കുന്നത്. കലക്ടര് ചെയര്മാനായ നിര്മിതി കേന്ദ്രം മുഖാന്തരം കേരള സര്ക്കാറിന്െറ പൊതുമേഖല സ്ഥാപനമായ സ്റ്റീല് ഇന്ഡസ്ട്രീസ് കേരള ലിമിറ്റഡാണ് പദ്ധതി നടപ്പാക്കുക. തദ്ദേശ സ്വയംഭരണ സ്ഥാപനങ്ങള് വൈദ്യുതി ചെലവും കാലാകാലങ്ങളിലെ അറ്റകുറ്റ പ്രവൃത്തികളും നിര്വഹിക്കും എന്ന വ്യവസ്ഥയിലാണ് പണം അനുവദിച്ചിട്ടുള്ളതെന്ന് ടി.എന്. പ്രതാപന് എം.എല്.എ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.