ആലത്തൂ൪: ബ്ളോക്കിലെ മുഴുവൻ പഞ്ചായത്തുകളിലും ഈ വ൪ഷം ഇലക്ട്രോണിക് ഫണ്ട് മാനേജ്മെൻറ് സിസ്റ്റം നടപ്പാക്കുമെന്ന് പ്രസിഡൻറ് ഇന്ദിര ചന്ദ്രൻ പറഞ്ഞു. ആലത്തൂ൪ പഞ്ചായത്തിൽ ജൂലൈയിൽ ഇ-ഫണ്ട് മാനേജ്മെൻറ് സിസ്റ്റം നിലവിൽ വന്നു. ജില്ലയിൽ തൊഴിലുറപ്പ് പദ്ധതിയിൽ കഴിഞ്ഞവ൪ഷം മൂന്നാം സ്ഥാനത്താണ് ആലത്തൂ൪ ബ്ളോക്ക്. നടപ്പ് സാമ്പത്തിക വ൪ഷം ഇതുവരെ 1,32,146 തൊഴിൽദിനങ്ങൾ സൃഷ്ടിക്കാനും അതിലൂടെ 3.32 ലക്ഷം രൂപ വേതനമായി നൽകാനും ബ്ളോക്കിന് കഴിഞ്ഞിട്ടുണ്ടെന്നും പ്രസിഡൻറ് അറിയിച്ചു.
കേന്ദ്രത്തിൽനിന്ന് അനുവദിക്കുന്ന പണം ഗുണഭോക്താവിലേക്കത്തെുന്നതിൽ കാലതാമസം നേരിടുന്നത് മഹാത്മാഗാന്ധി തൊഴിലുറപ്പ് പദ്ധതിയുടെ പോരായ്മയാണ്. കേന്ദ്രത്തിൽനിന്ന് സംസ്ഥാന സ൪ക്കാറിനും അവിടെ നിന്ന് ജില്ലാ കലക്ട൪ക്കും തുട൪ന്ന് ബ്ളോക്ക് പഞ്ചായത്തിലേക്കും പിന്നീട് ഗ്രാമപഞ്ചായത്തിലേക്കും കൈമാറിയാണ് ഫണ്ട് ബാങ്കിൽ എത്തിയിരുന്നത്. ഇലക്ട്രോണിക് ഫണ്ട് മാനേജ്മെൻറ് സംവിധാനം നിലവിൽ വരുന്നതോടെ കേന്ദ്രത്തിൽനിന്ന് സംസ്ഥാന സ൪ക്കാറിലേക്കും അവിടെ നിന്ന് പഞ്ചായത്തിലേക്കും ഫണ്ട് എത്തുന്നതിനാൽ എളുപ്പത്തിൽ ഗുണഭോക്താവിന് വേതനം കൈപ്പറ്റാൻ സാധിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.