കാഞ്ഞിരപ്പള്ളി: പൊലീസ് പട്രോളിങ് തുണയായി. അപകടത്തിൽ പരിക്കേറ്റ് റോഡിൽ കിടന്ന യുവാവിന് ജീവൻ തിരികെ ലഭിച്ചു. രാത്രി 10 ന് ബൈക്കപകടത്തിൽ സാരമായി പരിക്കേറ്റ് റോഡിൽ കിടന്ന യുവാവിനാണ് കാഞ്ഞിരപ്പള്ളി പൊലീസ് രക്ഷകരായത്. തമ്പലക്കാട് എറികാട് തൊണ്ടുവിളയിൽ രാജേഷ് (22) ആണ് അപകടത്തിൽപ്പെട്ടത്. കാഞ്ഞിരപ്പള്ളി തമ്പലക്കാട് റോഡിൽ കടമപ്പുഴ പാലത്തിനു സമീപം തിങ്കളാഴ്ച രാത്രി 10 ഓടെയാണ് അപകടം. വീട്ടിലേക്ക് പോകുംവഴി രാജേഷ് ഓടിച്ച ബൈക് നിയന്ത്രണം വിട്ട് പോസ്റ്റിൽ ഇടിക്കുകയായിരുന്നു. കാഴ്ചക്കാ൪ ഏറെ ഉണ്ടായിരുന്നുവെങ്കിലും രക്തം വാ൪ന്ന് അരമണിക്കൂറോളം റോഡിൽ കിടന്ന രാജേഷിനെ ആശുപത്രിയിലാക്കാൻ ആരും തയാറായില്ല. അരമണിക്കൂറിനു ശേഷം ഇതുവഴിയത്തെിയ പട്രോളിങ് സംഘത്തിലെ ഗ്രേഡ് എസ്.ഐ സി.എ. സണ്ണി, സിവിൽ പൊലീസ് ഓഫിസ൪മാരായ മനോജ്കുമാ൪, കെ.എ. മനാഫ് എന്നിവരാണ് ആശുപത്രിയിൽ എത്തിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.