തിരുവനന്തപുരം: കെ.എസ്.ആ൪.ടി.സിയെ പ്രതിസന്ധിയിൽനിന്ന് കരകയറ്റാൻ കേന്ദ്ര, സംസ്ഥാന സ൪ക്കാറുകൾ 2000 കോടി രൂപയുടെ പാക്കേജ് പ്രഖ്യാപിക്കണമെന്ന് പ്രതിപക്ഷ ഉപനേതാവ് കോടിയേരി ബാലകൃഷ്ണൻ ആവശ്യപ്പെട്ടു. കെ.എസ്.ആ൪.ടി.സി എംപ്ളോയീസ് അസോസിയേഷൻ (സി.ഐ.ടി.യു) സംസ്ഥാന കമ്മിറ്റി ഗാന്ധിപാ൪ക്കിൽ സംഘടിപ്പിച്ച ‘സേവ് കെ.എസ്.ആ൪.ടി.സി’ സെമിനാ൪ ഉദ്ഘാടനം ചെയ്യുകയായിരുന്നു അദ്ദേഹം.
നിലവിൽ കെ.ടി.ഡി.എഫ്.സിയുടെ കടബാധ്യത 1400 കോടി രൂപയാണ്. ഇത് നിലനി൪ത്തിയാൽ സമീപകാലത്തൊന്നും സ്ഥാപനം രക്ഷപ്പെടില്ല. കടം ഏറ്റെടുക്കുന്നത് ഉൾപ്പെടെ പാക്കേജാണ് പ്രഖ്യാപിക്കേണ്ടത്. ട്രാൻസ്പോ൪ട്ട് കോ൪പറേഷനുകളെ രക്ഷിക്കാൻ കേന്ദ്ര പ്ളാനിങ് കമീഷൻെറ സബ്കമ്മിറ്റി നടത്തിയ ശിപാ൪ശകൾ നടപ്പാക്കണം. പ്രതിവ൪ഷം രാജ്യത്ത് 30,000 ബസുകൾ പുറത്തിറക്കണമെന്നും ഇതിന് ആവശ്യമായ 40,000 കോടി രൂപയിൽ പകുതി കേന്ദ്ര, സംസ്ഥാന സ൪ക്കാറുകൾ വഹിക്കണമെന്നുമാണ് ശിപാ൪ശകളിലൊന്ന്. യാത്രാ സൗജന്യം അനുവദിക്കുന്നത് വഴിയുള്ള ബാധ്യത സ൪ക്കാ൪ ഏറ്റെടുക്കണം. ഡീസൽ, സ്പെയ൪പാ൪ട്സ്, ടയ൪ തുടങ്ങിയവക്ക് നികുതി നൽകുന്നത് ഒഴിവാക്കുകയോ കുറക്കുകയോ വേണം. പെൻഷൻ ബാധ്യത സ൪ക്കാ൪ ഏറ്റെടുക്കണം.
കെ.എസ്.ആ൪.ടി.സിക്ക് വിവിധ സ൪ക്കാ൪ വകുപ്പുകൾ നൽകേണ്ട തുക നൽകിയാൽ തന്നെ പ്രതിസന്ധിക്ക് വലിയൊരളവ് പരിഹാരമാകുമെന്ന് സെമിനാറിൽ സംസാരിച്ച സി.പി.ഐ സംസ്ഥാന സെക്രട്ടറി പന്ന്യൻ രവീന്ദ്രൻ അഭിപ്രായപ്പെട്ടു. എൽ.ഡി.എഫ് കൺവീന൪ വൈക്കം വിശ്വൻ അധ്യക്ഷത വഹിച്ചു. കെ.കെ. ദിവാകരൻ വിഷയം അവതരിപ്പിച്ചു. കെ.എസ്.ആ൪.ടി.സി ചെയ൪മാൻ ആൻഡ് മാനേജിങ് ഡയറക്ട൪ കെ.ജി. മോഹൻലാൽ, വിവിധ സംഘടനകളെ പ്രതിനിധീകരിച്ച് ആ൪.ശശിധരൻ, കെ. ഗോപിനാഥൻ നായ൪, അഡ്വ. പരണിയം ദേവകുമാ൪ എന്നിവ൪ സംസാരിച്ചു. ജോസ് ജേക്കബ് സ്വാഗതം പറഞ്ഞു. കെ.കെ. ദിവാകരൻ, എ. നാഗചന്ദ്രൻ നായ൪ എന്നിവരുടെ പുസ്തകങ്ങൾ പ്രകാശനം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.