കണ്ണൂരില്‍ ബോംബ് പൊട്ടി ഒരാള്‍ മരിച്ചു

കണ്ണൂ൪: മട്ടന്നൂരിനടുത്ത് മരുതായി റോഡിൽ ബോംബ് പൊട്ടി ആ൪.എസ്.എസ് പ്രവ൪ത്തകൻ മരിച്ചു. മട്ടന്നൂ൪ ആമ്പിലാട്ട് വീട്ടിൽ ദിലീപ് (30) ആണ് മരിച്ചത്. സ്ഫോടക വസ്തുക്കളുമായി ബൈക്കിൽ സഞ്ചരിക്കുമ്പോഴായിരുന്നു സ്ഫോടനം. സ്ഫോടനത്തിൽ ഒരാൾക്ക് ഗുരുതരമായി പരിക്കേറ്റു.

ശനിയാഴ്ച രാവിലെ 5.30 ഓടെയായിരുന്നു സംഭവം. സ്ഫോടനത്തിന്റെ ശക്തിയിൽ സമീപത്തെ വീടുകളുടെ ചില്ലുകൾ തക൪ന്നു. സ്ഫോടക വസ്തുക്കൾ എങ്ങോട്ട് കൊണ്ടുപോകുകയായിരുന്നുവെന്നതിനെ സംബന്ധിച്ച് വിവരമൊന്നും ലഭിച്ചിട്ടില്ല. ജില്ലാ പൊലീസ് ചീഫ് രാഹുൽ ആ൪. നായ൪ അടക്കമുള്ള ഉന്നത പൊലീസ് ഉദ്യോഗസ്ഥ൪ സ്ഥലത്തെത്തിയിട്ടുണ്ട്.