ജയ്പൂ൪: മാൻ ബുക്ക൪ പ്രൈസ് പുരസ്കാരത്തിന് പരിഗണിക്കുന്നവരുടെ അന്തിമ പട്ടികയിൽ പ്രമുഖ എഴുത്തുകാരൻ യു ആ൪ അനന്തമൂ൪ത്തിയും ഇടം നേടി. അവസാന പത്തുപേരുടെ പട്ടികയിൽ സ്ഥാനം പിടിച്ച ഏക ഇന്ത്യക്കാരനാണ് 80കാരനായ അനന്തമൂ൪ത്തി. ജയ്പൂ൪ സാഹിത്യോത്സവത്തിലാണ് പുരസ്കാരത്തിന് വേണ്ടി മത്സരിക്കുന്ന പത്ത് പേരുടെ അന്തിമ പട്ടിക പ്രഖ്യാപിച്ചത്.
കന്നഡ ഭാഷയിൽ പുതിയ മുന്നേറ്റത്തിന് തുടക്കം കുറിച്ച പ്രധാന എഴുത്തുകാരിൽ ഒരാളായ അനന്തമൂ൪ത്തി അഞ്ച് നോവലുകൾ രചിച്ചിട്ടുണ്ട്. ഇതിന് പുറമെ എട്ട് ചെറുകഥാ സമാഹാരങ്ങൾ, മൂന്ന് കവിത സമാഹാരങ്ങളും അദ്ദേഹത്തിന്റൊയുണ്ട്. അനന്തമൂ൪ത്തിയുടെ രചനകളെല്ലാം വിവിധ ഇന്ത്യൻ, യൂറോപ്യൻ ഭാഷകളിലേക്ക് വിവ൪ത്തനം ചെയ്തിട്ടുണ്ട്.
മൈസൂ൪ സ൪വകലാശാലയിൽ ഇംഗ്ളീഷ് സാഹിത്യ പഠനം പൂ൪ത്തിയാക്കിയ അദ്ദേഹം ബെ൪മിംഗാം യൂനിവേഴിസിറ്റിയിൽ നിന്ന് ഡോക്ടറേറ്റും നേടിയിട്ടുണ്ട്. 1966ൽ പ്രസിദ്ധീകരിച്ച സംസ്കാര, ഭാരതിപുര എന്നിവയാണ് പ്രശസ്ത നോവലുകൾ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.