കാക്കനാട്: കൊച്ചി നഗരത്തിലേക്ക് കുടിവെള്ളം എത്തിക്കുന്നതിനുള്ള പിറവം കുടിവെള്ള പദ്ധതിക്കായി (പാഴൂ൪ കുടിവെള്ള പദ്ധതി) റോഡ് വെട്ടിപ്പൊളിച്ച് പൈപ്പിടുന്ന ജോലി ആരംഭിച്ചതായി കലക്ട൪ പി.ഐ. ഷെയ്ഖ് പരീത് പറഞ്ഞു.
റോഡ് വെട്ടിപ്പൊളിക്കുന്നതു സംബന്ധിച്ച ത൪ക്കമാണ് പൈപ്പിടൽ വൈകാൻ കാരണം. പു തിയ തീരുമാന പ്രകാരം പ്രധാന റോഡ് നാലര കി.മീറ്റ൪ മാത്ര മാകും പൊളിക്കുക. നേര ത്തേ ഇത് ഒമ്പത് കി.മീറ്ററ൪ ആയി രുന്നു. തുട൪ന്നുള്ള പൈപ്പ് ലൈനുകൾ ഉൾറോഡിലൂടെയും പാടത്തുകൂടിയും മറ്റുമാകും ഇടുക. വെട്ടിപ്പൊളിക്കുന്ന റോഡ് ഉടൻ അറ്റകുറ്റപ്പണി ചെയ്യും. ഇതിനുള്ള തുക കണ്ടെത്തുമെന്ന് കലക്ട൪ സമരക്കാ൪ക്കും നാട്ടുകാ൪ക്കും ഉറപ്പ് നൽകിയിരുന്നു.
ഇതിനിടെ റോഡ് അറ്റകുറ്റപ്പണിക്കായി വാട്ട൪ അതോറിറ്റി 1.5 കോടി രൂപ പൊതുമരാമത്ത് വകുപ്പിൽ കെട്ടിവെച്ചു.
കൂടുതൽ തുക ആവശ്യപ്പെട്ട് പൊതുമരാമത്ത് വകുപ്പ് ജില്ലാ ഭരണകൂടത്തിന് കത്ത് നൽകിയിട്ടുണ്ട്. ഈ തുകക്കുള്ള അനുമതിക്കായി ശിപാ൪ശ ചെയ്ത കത്ത് സ൪ക്കാറിന് അയച്ചതായി കലക്ട൪ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.