താനൂ൪: മത്സ്യത്തൊഴിലാളികളുടെ സമ്പാദ്യശ്വാസ പദ്ധതി വിതരണം ബാങ്ക് വഴിയാക്കിയത് ദുരിതമാകുന്നു. ഫിഷറീസ് ഓഫിസുകൾ വഴി വിതരണംചെയ്തിരുന്ന സമ്പാദ്യാശ്വാസ പദ്ധതി ഫണ്ടാണ് എസ്.ബി.ടി, കാനറ തുടങ്ങിയ ബാങ്കുകൾ വഴിയാക്കിയത്. ഇതിന് ബാങ്കുകളിൽ അക്കൗണ്ട് തുടങ്ങേണ്ടതുണ്ട്. ഒരു മാസമായി അക്കൗണ്ട് തുടങ്ങാൻ ഫോം ലഭിക്കാത്തതിനാൽ തൊഴിലാളികൾ വലയുകയാണ്. മാസംതോറും 75 രൂപയാണ് സമ്പാദ്യശ്വാസ പദ്ധതിയിൽ അടക്കേണ്ടത്. വ൪ഷത്തിൽ എട്ടുമാസം പണം അടക്കണം. ആകെ 600 രൂപ അടക്കുന്ന മത്സ്യതൊഴിലാളികൾക്ക് 1800 രൂപ സ൪ക്കാ൪ തിരിച്ചുനൽകും.
ഓരോ വ൪ഷവും ജൂൺ മാസത്തിലാണ് പ്രസ്തുത തുക ലഭിക്കാറ്. ഈ വ൪ഷത്തെ ഫണ്ട് ഇതുവരെ വിതരണം ചെയ്തിട്ടില്ല. ബാങ്കിങ് സംവിധാന മാറ്റം കാരണമാണ് തുക വിതരണം വൈകുന്നതെന്നാണ് അധികൃതരുടെ വിശദീകരണം. എന്നാൽ ബാങ്ക് അക്കൗണ്ട് തുടങ്ങിയവ൪ക്കും പണം ലഭിച്ചിട്ടില്ല.
അക്കൗണ്ട് തുടങ്ങാനാവാത്തതിനാൽ സംഖ്യ അടക്കാൻ കഴിയാത്തവ൪ നിരവധിയാണ്. തൊഴിലാളികളുടെ പെൻഷനും ബാങ്ക് വഴിയാക്കിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.