ലോറി ഡ്രൈവറെ മര്‍ദിച്ച ബൈക്ക് യാത്രക്കാര്‍ അറസ്റ്റില്‍

ആൽത്തറ: വഴി തടസ്സപ്പെടുത്തിയെന്നാരോപിച്ച്  സിവിൽ സപൈ്ളസ് ചരക്ക് ലോറി ഡ്രൈവറെ മ൪ദിച്ച ബൈക്ക് യാത്രക്കാരെ പിടികൂടി.
ഗുരുവായൂ൪ കൂനംമൂച്ചി കുന്നത്തുള്ളി വീട്ടിൽ സുബീഷിനെയാണ് (30) ബൈക്ക് യാത്രക്കാരായ പുന്നയൂ൪ വെട്ടിപ്പുഴ പുഴക്കൽ രഞ്ജിത്ത് (28), വെളിയങ്കോട് തൊട്ടേക്കാട്ട് വീട്ടിൽ സുനിൽ (28) എന്നിവ൪ ചേ൪ന്ന് മ൪ദിച്ചത്.
ആൽത്തറ സിവിൽ സപൈ്ളസ് കേന്ദ്രത്തിലേക്കുള്ള ഇടുങ്ങിയ റോഡിലൂടെ ചരക്ക് ലോറിയുമായി പോകുകയായിരുന്നു സുബീഷ്.
ഇതിനിടെ എതി൪ ഭാഗത്ത് നിന്ന് ബൈക്കിൽ വന്ന പ്രതികൾക്ക് മുന്നോട്ടുപോകാൻ വീതി കുറഞ്ഞ റോഡിൽ വഴിയില്ലെന്നാരോപിച്ചാണ്  മ൪ദിച്ചതത്രേ. വ്യാഴാഴ്ച വൈകീട്ട് ഏഴോടെയായിരുന്നു സംഭവം.
ഈ സമയത്ത് അതുവഴി വന്ന വടക്കേക്കാട് പൊലീസിനെ കണ്ട് രക്ഷപ്പെടാൻ ശ്രമിച്ച പ്രതികളെ പിന്തുട൪ന്നാണ് പിടികൂടിയത്. ഇരുവരും മദ്യലഹരിയിലായിരുന്നു.