ലണ്ടൻ: രാസായുധങ്ങൾ തടയാൻ ആവശ്യമെങ്കിൽ അമേരിക്കൻ സൈന്യത്തെ താനും സിറിയയിലേക്ക് അയക്കുമെന്ന് റിപ്പബ്ലിക്കൻ പ്രസിഡന്റ് സ്ഥാനാ൪ഥി മിറ്റ് റോംനി. ജനങ്ങളെ കൂട്ടമായി മരണത്തിലേക്ക് നയിക്കുന്ന രാസായുധങ്ങൾ സിറിയയിൽനിന്ന് തീവ്രവാദികളുടെ കൈയിൽ എത്തിപ്പെടാതിരിക്കാൻ വേണ്ട ഏതുനടപടിയും കൈകൊള്ളുമെന്ന് മിറ്റ് റോംനി സി.ബി.എസ് ന്യൂസിന് നൽകിയ അഭിമുഖത്തിൽ പറഞ്ഞു. ഇറാന്റെ ആണവ പരിപാടികൾ അവസാനിപ്പിക്കാൻ ആവശ്യമെങ്കിൽ യുദ്ധത്തിലേക്ക് പോകാനും തയാറാണെന്ന് തന്റെ വിദേശനയത്തെ കുറിച്ചുള്ള അഭിപ്രായ പ്രകടനത്തിനിടെ മിറ്റ് റോംനി പറഞ്ഞു.
സിറിയ ജൈവ രാസായുധങ്ങൾ പ്രയോഗിക്കാൻ ശ്രമിക്കുകയാണെങ്കിൽ സൈനിക ഇടപെടൽ നടത്തുന്ന കാര്യത്തിൽ പുനഃപരിശോധന നടത്തുമെന്ന് യു.എസ് പ്രസിഡന്റ് ബറാക് ഒബാമ കഴിഞ്ഞദിവസം മുന്നറിയിപ്പ് നൽകിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.